Главная » 2020 » Fevral » 27 » O‘zbekistonning Afg‘oniston orqali o‘tadigan tranzit yuklari hajmi oshirilishi mumkin

---

14:15 O‘zbekistonning Afg‘oniston orqali o‘tadigan tranzit yuklari hajmi oshirilishi mumkin

O‘zbekiston Prezidentining Afg‘oniston bo‘yicha maxsus vakili Ismatulla Ergashev 26-fevral kuni Afg‘oniston transport vaziri vazifasini bajaruvchi Yamo Shams bilan uchrashdi, deya xabar bermoqda Tashqi ishlar vazirligi matbuot xizmati. Yamo Shams O‘zbekiston rahbariyatiga Afg‘oniston milliy iqtisodiyotini tiklash borasidagi sa’y-harakatlari, mamlakatda tinch siyosiy jarayonni boshlashga yordami, shuningdek, avvalo barcha afg‘on xalqi manfaati uchun turli iqtisodiy loyihalar amalga oshirilayotganligi uchun samimiy minnatdorlik izhor etgan. Uchrashuvda iqtisodiy va transport-kommunikatsiya sohalaridagi ikki tomonlama hamkorlikning hozirgi darajasi va istiqbollari muhokama qilingan. Yamo Shams O‘zbekistonning Afg‘onistondagi yirik infratuzilma loyihalarida ishtirok etishi muhimligini qayd etar ekan, Afg‘onistonga O‘zbekiston ishlab chiqargan turli mahsulotlar eksportini oshirish, O‘zbekistondan Afg‘onistonga yetkazib beriladigan mahsulotlar turini kengaytirishda mamlakatimizning muhim ahamiyatini ta’kidlagan. Tomonlar Afg‘oniston hududi orqali uchinchi mamlakatlarga o‘tadigan O‘zbekiston tranzit yuklari hajmini oshirish masalasini ham muhokama qilgan. Havo harakati xizmatlari o‘rtasida o‘zaro hamkorlik va muvofiqlashtirish tartiblari, shuningdek, xalqaro avtomobil tashuvlari to‘g‘risida ikki tomonlama hujjatlarni tayyorlashni davom ettirish va tezroq imzolash to‘g‘risida kelishuvga erishilgan.

1 2 3 4 5 Категория: Har-Hil | Просмотров:549 | Добавил: moderator | Теги: yangilik | Рейтинг: 0.0/0

Всего комментариев: 0