Главная » 2023 » Avgust » 12 » O‘zbekistonliklar Yaponiyaga ishga taklif qilinmoqda. Maosh 1,5 ming dollardan ortiq

---

21:28 O‘zbekistonliklar Yaponiyaga ishga taklif qilinmoqda. Maosh 1,5 ming dollardan ortiq

O‘zbekistonlik fuqarolar Yaponiyaga qurilish ishlariga taklif etilmoqda. Bu haqda Tashqi mehnat migratsiyasi agentligi axborot xizmati xabar berdi. Unga ko‘ra, Toshkentdan Yaponiyagacha va yashash joyidan ish joyigacha xarajatlar ish beruvchi hisobidan. Oylik maosh: 235 000 JPY (1625 dollar). Bir oy tayyorlov-moslashtirish davrida oylik maosh 145 ming yena (1000 dollar). Ish vaqti: haftasiga 40 soat, qo‘shimcha ish soati uchun alohida to‘lanadi.  Nomzodlar uchun talablar: yapon tilini N5-N4 darajada bilish; 18 yoshdan 30 yoshgacha; maktab, litsey yoki kasb-hunar kollejini tamomlagan; 3 yildan 5 yilgacha ishlash. Ish beruvchi nomzodlarni og‘zaki suhbat asosida tanlab oladi: 1-suhbat: 4—8-sentabr kunlari agentlikning hududiy filiallarida onlayn tarzda o‘tkaziladi; 2-suhbat: 1-suhbatdan o‘tganlar Toshkent shahriga kelib, og‘zaki suhbatdan o‘tadi (suhbat sanasi haqida qo‘shimcha ma’lumot beriladi). Ro‘yxatdan o‘tish (11—15-avgust soat 18:00 gacha). Suhbatdan o‘tganlar Toshkentda 3-4 oylik tayyorgarlik kurslariga (bepul) qatnashishi shart. Toshkentda yashash xarajatlari nomzodlar hisobidan qoplanadi.

1 2 3 4 5 Категория: Har-Hil | Просмотров:166 | Добавил: moderator | Теги: yangilik | Рейтинг: 0.0/0

Всего комментариев: 0