Главная » 2020 » Mart » 5 » O‘zbekistonlik talaba Rossiyada Amerika fuqarolarini qutqargani uchun taqdirlandi

---

13:54 O‘zbekistonlik talaba Rossiyada Amerika fuqarolarini qutqargani uchun taqdirlandi

Rossiyaning Volgograd shahrida o‘qiyotgan o‘zbekistonlik talaba Jasurbek Rajabov 2019-yilda Volga daryosida cho‘kayotgan amerikalik erkak va uning 7 yoshli o‘g‘lini qutqarib qolgani uchun medal bilan taqdirlandi. Bu haqda "V1.ru” xabar berdi. Talabaning nashrga bergan intervyusida aytishicha, uning O‘zbekistonda yashayotgan ota-onasi yuz bergan hodisa hamda uning taqdirlanishidan bexabar. 22 yoshli Jasurbek Volgograd davlat agrar universitetida qutqaruvchilik bo‘yicha tahsil oladi. O‘tgan yili yozgi amaliyotda u Volgograd viloyatining Danilovskiy tumanidagi "Bobri” plyajida bo‘lgan. Plyajda cho‘kayotgan odamlarni ko‘rgach, Jasurbek yordam berishga shoshilgan. "U yerda ota-bola bor edi. Ular 3 metr chuqurlikda edi. 7 yoshli bola umuman suzishni bilmasdi. Otasi ham suzishni bilmas ekan”, — dedi yosh qutqaruvchi. Rajabov "Halok bo‘layotganlarni qutqargani uchun” medali bilan taqdirlandi. U taqdirlanish chog‘ida o‘zi qutqargan oila Volgogradga Filadelfiya (AQSh)dan kelganini bilgan.

1 2 3 4 5 Категория: Har-Hil | Просмотров:570 | Добавил: moderator | Теги: yangilik | Рейтинг: 0.0/0

Всего комментариев: 0