Главная » 2016 » Avgust » 1 » O‘zbekistonlik sportchilar Rio-de-Janeyroga jo‘nab ketdi

---

00:57 O‘zbekistonlik sportchilar Rio-de-Janeyroga jo‘nab ketdi

Toshkent xalqaro aeroportida o‘zbekistonlik sportchilarni Olimpiya o‘yinlariga kuzatish marosimi bo‘lib o‘tdi. O‘zbekiston sport delegatsiyasi XXXI yozgi Olimpiya o‘yinlarida ishtirok etish uchun 1 avgust kuni Braziliyaning Rio-de-Janeyro shahriga jo‘nab ketdi. Bu haqda O‘zA xabar bermoqda. Braziliyaning Rio-de-Janeyro shahrida o‘tadigan bu galgi Olimpiya o‘yinlarida O‘zbekiston sportchilari akademik eshkak eshish, badiiy gimnastika, baydarka va kanoeda eshkak eshish, boks, dzyudo, yengil atletika, og‘ir atletika, sport gimnastikasi, stol tennisi, suzish, taekvondo (WTF), tennis, trampolin, o‘q otish, erkin va yunon-rum kurashi kabi qator sport turlari bo‘yicha bahslashadi. Sportchilar nomidan so‘zga chiqqan dzyudo bo‘yicha O‘zbekiston terma jamoasi a'zolari Soib Qurbonov va Gulnoza Matniyozova, og‘ir atletika bo‘yicha O‘zbekiston terma jamoasi a'zosi Ivan Yefremov Prezidentimiz rahnamoligida sportni riovjlantirish, sportchilarni har tomonlama qo‘llab-quvvatlashga qaratilayotgan doimiy e'tibor va g‘amxo‘rlik uchun minnatdorlik bildirib, Olimpiya o‘yinlarida xalqimiz va Prezidentimizning ishonchini oqlashga, Vatanimiz mustaqilligining yigirma besh yillik bayramiga munosib sovg‘a bilan qaytishga va'da berdi. O‘zbekiston sport delegatsiyasi Rio-de-Janeyro shahriga "O‘zbekiston havo yo‘llari” milliy aviakompaniyasining maxsus samolyotida jo‘nab ketdi.

1 2 3 4 5 Категория: Har-Hil | Просмотров:1859 | Добавил: Admin | Теги: O‘zbekistonlik sportchilar Rio-de-J | Рейтинг: 0.0/0

Всего комментариев: 0