Главная » 2018 » Iyun » 16 » O‘zbekistonga yana ikkita zamonaviy samolyot olib kelinadi

---

22:20 O‘zbekistonga yana ikkita zamonaviy samolyot olib kelinadi

"O‘zbekiston havo yo‘llari” Milliy aviakompaniyasi joriy yil oxirida ikkita Airbus A320 neo samolyotlarini olishni rejalashtiryapti.   "Biz har ikki samolyotni shu yil dekabr oyida qabul qilib olishga umid bildiramiz. Ammo ochiqcha aytadigan bo‘lsam, Airbus’da samolyotlarni vaqtida yetkazib berishda ma'lum muammolar mavjud. Ularning zavodi motor ishlab chiqarishga ulgurmayapti”, deydi kompaniya bosh direktori o‘rinbosari Gennadiy Xarlap.   Uning so‘zlariga ko‘ra, bu ikki samolyot wi-fi va har bir o‘rindiqda monitor bilan jihozlangan bo‘ladi.   "Samolyot o‘zining ajdodidan 20 foizga tejamkor bo‘lib, butun Yevropani reyslar bilan qamrab olish imkonini beradi. Uning parvoz masofasi 4,5 ming kilometrdan 6 ming kilometrga yetgan. Airbus A320 neo 150 kishiga mo‘ljallangan, 12 o‘rin "biznes” klassda, 138 o‘rin "ekonom” klassda”, deydi Xarlap.   Ma'lumot uchun, bugungi kunda MAK aviaparkida zamonaviy, qulay Boeing-757/767, Boeing-787-8 Dreamliner, A320 samolyotlari, shuningdek, Boeing-767-300BCF yuk tashuvchi samolyotlari mavjud.   Eslatib o‘tamiz, avvalroq, "O‘zbekiston havo yo‘llari” Milliy aviakompaniyasi uchinchi Boeing-787 Dreamliner samolyotlarini olib kelgan edi.

1 2 3 4 5 Категория: Har-Hil | Просмотров:1053 | Добавил: Moderator | Рейтинг: 0.0/0

Всего комментариев: 0