Главная » 2020 » Iyun » 27 » O‘zbekistondagi BMT vakolatxonasi Sardobaga 30 ming dollarlik insonparvarlik yordami yubordi

---

20:00 O‘zbekistondagi BMT vakolatxonasi Sardobaga 30 ming dollarlik insonparvarlik yordami yubordi

BMTning O‘zbekistondagi vakolatxonasi 2020-yil may oyida Sirdaryo viloyatidagi Sardoba suv omborida sodir bo‘lgan toshqindan zarar ko‘rgan aholiga shaxsiy gigiyena vositalari, COVID-19 koronavirusidan himoyalanish uchun vositalardan iborat gumanitar yordam yubordi. Bu haqda tashkilotning rasmiy saytida xabar berilgan. 30 ming AQSh dollari miqdoridagi tibbiyot vositalari BMTning O‘zbekistondagi vakolatxonasi BMTning Gumanitar masalalarni muvofiqlashtirish idorasi (GMMI) tomonidan ajratilgan mablag‘lar hisobidan sotib olingan. Yordam tariqasida berilgan jihozlar bir marta ishlatiladigan niqoblar va qo‘lqoplar, shaxsiy gigiyena vositalari, uy-ro‘zg‘or buyumlari, antiseptiklar hamda boshqa zarur buyumlardan iborat. "Sardoba aholisiga zarur yordam ko‘rsatadigan ushbu insonparvarlik yordamini topshirish men uchun katta quvonch. Ofat natijasida aholi yo‘qotgan buyumlariga qo‘shimcha ravishda, biz ularni COVID-19 tarqalishini to‘xtatish uchun shaxsiy himoya vositalari bilan ham ta’minladik. Ayni paytda uylaridan mahrum bo‘lgan o‘n minglab odamlar, hech kimni chetda qoldirmaydigan uzoq muddatli, xavfsiz va munosib yechimga muhtoj”, — deydi BMTning O‘zbekistondagi doimiy koordinatori Helena Freyzer. BMTning Gumanitar masalalarni muvofiqlashtirish idorasi – Birlashgan Millatlar Tashkiloti kotibiyatining bir qismi bo‘lib, favqulodda vaziyatlarda harakatlarni ta’minlash uchun gumanitar tashkilotlarni birlashtirish uchun javobgardir. 12-mayda BMT bosh kotibi Antoniu Guterrish Shavkat Mirziyoyevga Sardoba falokati yuzasidan hamdardlik bildirib maktub yo‘llagandi.

1 2 3 4 5 Категория: Har-Hil | Просмотров:16 | Добавил: moderator | Теги: yangilik | Рейтинг: 0.0/0

Всего комментариев: 0