Главная » 2020 » May » 14 » O‘zbekistondagi bemorlar ahvoli haqida ma’lumot berildi

---

13:05 O‘zbekistondagi bemorlar ahvoli haqida ma’lumot berildi

Hozirda Respublikada koronavirusdan davolanayotgan bemorlarning 11 nafari og‘ir ahvolda. Bu haqda O‘zbekiston Respublikasi Vazirlar Mahkamasi huzuridagi Sanitariya-epidemiologiya nazorati davlat inspeksiyasi boshlig‘i, Respublika bosh davlat sanitariya inspektori Nurmat Otabekov ma’lum qildi. Ta’kidlanishicha, mamlakatda ayni daqiqalarga kelib, koronavirus kasalligi bilan 2620 bemor ro‘yxatga olingan. Shundan 2075 nafar ya’ni 80 foizdan ortiqroq bemor to‘liq sog‘aygan va reabilitatsiya markazlariga o‘tkazilgan. Sog‘liqni saqlash vazirligidan olingan ma’lumotga ko‘ra, shifoxonalarda davolanayotgan 525 bemordan 11 nafarining ahvoli og‘ir, deb baholanyapti. "Karantin tadbirlari davom etyapti. Karantin bekor qilingani haqida hech qanday ko‘rsatma bo‘lgani yo‘q. Demak, karantin tadbirlariga va berilgan imkoniyat – karantin tadbirlarini bosqichma-bosqich yumshatish talablariga to‘liq rioya etishimiz kerak. Agar biz haddan ortiq faollashib ketadigan, muloqotlarni oshirib yuboradigan, kasallik yuqish imkoniyatini yuzaga keltiradigan bo‘lsak, vaziyat yana jiddiylashib ketishiga sababchi bo‘lib qolishimiz mumkin", deyiladi rasmiy bayonotda. Otabekovning ta’kidlashicha, agar kasallikning ikkinchi to‘lqiniga ro‘baro‘ kelinadigan bo‘lsa, u paytda qo‘yiladigan talablar yanada qattiq va keskin bo‘ladi. "Shuncha payt karantin tadbirlariga rioya etib, vaziyatni birmuncha barqarorlashtirdik. Hamjihatlikda harakatlarni davom ettirsak, kasallikni yengamiz va epidemik barqaror hududga aylanamiz", deydi Otabekov. Eslatib o‘tamiz, shu paytgacha mamlakatda koronavirus kasalligidan 11 nafar bemor vafot etgan.

1 2 3 4 5 Категория: Har-Hil | Просмотров:630 | Добавил: moderator | Теги: yangilik | Рейтинг: 0.0/0

Всего комментариев: 0