Главная » 2018 » Iyul » 18 » O‘zbekistonda “tonirovka” masalasiga oydinlik kiritildi

---

18:16 O‘zbekistonda “tonirovka” masalasiga oydinlik kiritildi

Tusi o‘zgartirilgan (qoraytirilgan) oynali yengil avtotransport vositalaridan foydalanishni tartibga solish chora-tadbirlari to‘g‘risida Hukumat qarori qabul qilindi.   Qarorga muvofiq:   2018 yilning 1 avgustdan qoraytirilgan oynali yengil avtotransport vositalaridan pulli asosda foydalanishga ruxsat berildi;   oynalarni qoraytirish Ichki ishlar vazirligi huzuridagi "Innovatsiya loyihalari va aholiga servis xizmatlari ko‘rsatish markazi” DUK tomonidan amalga oshiriladi;   oynalarni qoraytirish uchun Davlat yo‘l harakati xavfsizligi xizmati (DYHXX)dan ruxsatnoma olish kerak;   orqa oynani yorug‘lik o‘tkazuvchanlik besh foizdan kam bo‘lmagan (95 foizga qoraytirish), orqa yon oynalarni yorug‘lik o‘tkazuvchanlik 30 foizdan kam bo‘lmagan (70 foizga qoraytirish) darajada o‘zgartirish mumkin;   old oynaning tepa qismini 14 sm dan ko‘p bo‘lmagan va yorug‘lik o‘tkazuvchanlik 30 foizdan kam bo‘lmagan shaklda o‘zgartirish uchun ruxsatnoma shart emas;   xorijiy davlatlarning oynalari qoraytirilgan yengil avtotransport vositalarini O‘zbekistonga vaqtincha kirishi va tranzit harakatlanishi uchun 15 AQSH dollari miqdorida yig‘im undiriladi.   Qoraytirishga ruxsatnoma berganlik uchun to‘lovlar:   jismoniy shaxslarga eng kam ish haqining 90 baravari (16 587 000 so‘m);   yuridik shaxslarga eng kam ish haqining 120 baravari (22 116 000 so‘m);   xorijiy davlatlar yuridik shaxslariga eng kam ish haqining 140 baravari (25 802 000 so‘m).

1 2 3 4 5 Категория: Har-Hil | Просмотров:1169 | Добавил: Moderator | Рейтинг: 0.0/0

Всего комментариев: 0