Главная » 2020 » Fevral » 3 » O‘zbekistonda test sinovi topshirmay o‘qishga kirish mumkin bo‘ladi

---

14:51 O‘zbekistonda test sinovi topshirmay o‘qishga kirish mumkin bo‘ladi

O‘zbekistonda test sinovi topshirmay o‘qishga kirish mumkin bo‘ladi. Bu haqda Davlat test markazi xabar bermoqda. Qayd etilishicha, 2020-yildan boshlab bosqichma-bosqich yo‘lga qo‘yiladigan yana bir o‘zgarish – chet (ingliz, nemis, fransuz va sharq) tillaridan tashqari, masalan, o‘zbek tili, rus tili, matematika va boshqa umumta’lim fanlaridan ham sertifikat berilishi joriy etilishi mumkin. Hozirda ushbu tartib yuzasidan tegishli takliflar berilgan. Takliflarga ko‘ra, test sinovlarini soddalashtirish, abituriyentlarga qulaylik va imkoniyatlar yaratish maqsadida barcha umumta’lim fanlaridan xuddi shunday sertifikat berilishi bosqichma-bosqich amalga oshirilishi ko‘zda tutilgan. Abituriyentlar umumiy yoki o‘rta-maxsus ta’lim muassasasini tugatmay turib ham bunday imkoniyatdan foydalanishlari mumkin bo‘ladi. Prezident murojaatnomasida qayd etilganidek, yoshlar istalgan vaqtda imtihon topshirib, tegishli guvohnoma olsa, oliy o‘quv yurtiga o‘qishga kirayotgan paytda shu fan bo‘yicha qayta sinovdan o‘tishga hech qanday ehtiyoj qolmaydi "Demak, abituriyent oliy ta’lim muassasalarining bakalavriat ta’lim yo‘nalishlariga qabul test sinovlariga qadar kerakli umumta’lim fanlaridan sertifikat olsa, test sinovida ishtirok etmay, to‘g‘ridan to‘g‘ri tanlovda qatnashish imkoniyatiga ega bo‘ladi”, — deyiladi DTM xabarida. Ayni paytda manfaatdor vazirlik va idoralar bilan ushbu tartibni amalga oshirish mexanizmlari ishlab chiqilayotgani bildirilgan.

1 2 3 4 5 Категория: Har-Hil | Просмотров:502 | Добавил: moderator | Теги: yangilik | Рейтинг: 0.0/0

Всего комментариев: 0