Главная » 2021 » Dekabr » 4 » O‘zbekistonda tamaki va alkogol mahsulotlarini iste’mol qilish taqiqlangan joylar aniq ro‘yxati tuzilishi mumkin

---

22:26 O‘zbekistonda tamaki va alkogol mahsulotlarini iste’mol qilish taqiqlangan joylar aniq ro‘yxati tuzilishi mumkin

Oliy Majlis Qonunchilik palatasining 3-dekabr kuni o‘tkazilgan majlisida deputatlar "Alkogol va tamaki mahsulotlarining tarqatilishi hamda iste’mol qilinishini cheklash to‘g‘risida”gi qonun loyihasini ikkinchi o‘qishda moddama-modda ko‘rib chiqdi. Bu haqda parlament quyi palatasi matbuot xizmati xabar berdi. Qayd etilishicha, qonun loyihasi alkogol va tamaki mahsulotlarining tarqatilishi hamda iste’mol qilinishini cheklash sohasidagi munosabatlarni tartibga solish mexanizmlarini takomillashtirish maqsadida ishlab chiqilgan. Qonun loyihasi bilan alkogol va tamaki mahsulotlari, tamaki hamda nikotin iste’mol qilish uchun moslamalarni realizatsiya qilishga doir cheklovlar kengaytirilmoqda. Ma’lum qilinishicha, o‘tgan vaqt mobaynida qonun loyihasi qo‘mita tomonidan o‘tkazilgan seminar va davra suhbatlarida ilgari surilgan takliflar, deputatlar bergan tavsiyalar atroflicha o‘rganilib, maromiga yetkazilgan. Qonunchilik texnikasidan kelib chiqqan holda loyihaning ba’zi bir moddalari o‘zaro muvofiqlashtirilib, tarkibiy jihatdan tuzatishlar kiritilgan. Qonun loyihada alkogol va tamaki mahsulotlarini iste’mol qilish mumkin bo‘lmagan jamoat joylarning aniq ro‘yxati ko‘rsatilib, chekish uchun ajratilgan maxsus joylarga minimal talablar belgilanmoqda. Shuningdek, alkogol va tamaki mahsulotlari ishlab chiqaruvchilarining majburiyatlari qonun loyihasida o‘z aksini topyapti. Xususan, noqonuniy aylamaning oldini olish uchun import qiluvchi va ishlab chiqaruvchilar tomonidan mahsulotlarni raqamli markirovkalash, ishlab chiqarish hajmlari va aylanmasini hisobga olish axborot tizimlarining tatbiq etilishi ko‘zda tutilmoqda. Majlisda qonun loyihasi xalq vakillari tomonidan qizg‘in muhokama etilgan va bahsli bo‘lgan ayrim moddalarga takliflar berilgan. Bildirilgan takliflarni inobatga olgan holda, loyihani yanada takomillashtirish maqsadga muvofiq deb topilgan. Avvalroq O‘zbekistonda pivodan boshqa barcha spirtli ichimliklar narxi ko‘tarilgani, O‘zbekistonda alkogol va tamaki mahsulotlarini aksiz markalari bilan markirovkalash takomillashtirilishi to‘g‘risida xabar berilgandi.

1 2 3 4 5 Категория: Har-Hil | Просмотров:463 | Добавил: moderator | Теги: yangilik | Рейтинг: 0.0/0

Всего комментариев: 0