Главная » 2018 » Fevral » 1 » O‘zbekistonda shakar narxi nega keskin oshib ketdi?

---

13:00 O‘zbekistonda shakar narxi nega keskin oshib ketdi?

Avvalroq, O‘zbekiston Respublikasi Iqtisodiyot vazirligi O‘zbekistonda go‘sht narxining keskin oshib ketishiga izoh bergan edi.   O‘zbekiston Respublikasi Iqtisodiyot vazirligi mutaxassislari so‘nggi vaqtlarda O‘zbekistonda oziq-ovqat mahsulotlari orasida shakar narxining oshib ketishiga ham izoh berdi.   Shakar va qandolat mahsulotlari narxlari o‘sishining asosiy sababi o‘rganilganda, ichki ishlab chiqarish quvvatlarining aholi ehtiyojlarini to‘liq qondirish imkoniyatiga ega emasligi, shakar mahsulotiga bo‘lgan mavsumiy tebranishlarni bartaraf etish maqsadida yetarli miqdorda shakar xom ashyosi importining amalga oshirilmagani aniqlangan.   Ma'lumot uchun, 2017 yilda shakar narxi o‘tgan yilning dekabr oyiga nisbatan 28,8 foizga oshgan.   Vazirlik mutaxassislarining aniqlik kiritishicha, O‘zbekistonning turli hududlarida yirik savdo markazlari – supermarket va gipermarketlarning mavjud emasligi hamda tovarlar davlat xaridi tizimining yetarlicha rivojlanmagani iste'mol tovarlari narxining oshishida qo‘shimcha sabablar bo‘lgan.   Yirik savdo markazlari narxlarning barqaror saqlab turishda, iqtisodiyotda naqd pul muomalasini tartibga solish, samarali davlat xaridi tizimining joriy qilinishi esa iste'mol tovarlari bo‘yicha mavsumiy tebranishlarning oldini olish va shu orqali inflyatsiyani jilovlash imkonini beradi.

1 2 3 4 5 Категория: Har-Hil | Просмотров:1530 | Добавил: Admin | Теги: O‘zbekistonda shakar narxi nega kes | Рейтинг: 5.0/1

Всего комментариев: 0