Facebook ijtimoiy tarmog‘ida o‘zbekistonlik tadbirkorlar ishlab chiqarayotgan mahsulotlarining nomini tanlashda qanchalik ijodkorlik bilan yondashishi aks etgan suratlar paydo bo‘ldi. Qayd etilishicha, O‘zbekistondagi do‘konlar rastalarida "MTS” nomli pechenyelar paydo bo‘lgan. "Podrobno”ning ma’lum qilishicha, bunda xitoylik tadbirkorlarning brendlar nomini biroz o‘zgartirib mahsulot chiqarishi usuli qo‘l bergan. Pechenye qadog‘i fonidagi surat va fon Rossiyaning "Mobilniye TeleSistemi” aloqa kompaniyasiniki kabi ishlangan. Faqatgina mahsulot nomida oxirgi harfda kirill alifbosi o‘rniga lotin alifbosidan foydalanilgan ("MTC” emas, balki "MTS”). Shuningdek, bozor va do‘konlar rastalarida "LG” nomi bilan ham pechenyelar sotilayotgani qayd etilgan.