Главная » 2020 » Iyun » 30 » O‘zbekistonda madaniyat xodimlarining yangi maoshlari e’lon qilindi

---

20:25 O‘zbekistonda madaniyat xodimlarining yangi maoshlari e’lon qilindi

Davlat budjetidan moliyalashtiriladigan davlat madaniyat muassasalari xodimlari lavozim maoshlarining yangi miqdorlari tasdiqlandi. Bu haqda Norma xabar bermoqda. Qayd etilishicha, 2020-yil 1-fevraldan boshlab budjet muassasalari va tashkilotlari xodimlarining ish haqi miqdori 1,07 baravarga yoki 7 foizga oshirildi. Tegishli ravishda, quyidagilarning maoshlari xuddi shu tarzda indeksatsiya qilindi: teatrlar va sirklarning ma’muriy-boshqaruv va badiiy-rahbar xodimlari; teatrlar artist xodimlari; konsert tashkilotlari va saroylari (teatr-konsert saroyi) ma’muriy-boshqaruv va badiiy-rahbar xodimlar; konsert tashkilotlari, musiqa va raqs jamoalari, shuningdek, sirklardagi artist xodimlari; hayvonot bog‘i xodimlari; davlat muzeylari, muzey-qo‘riqxonalari, uy-muzeylari va boshqa muzey turidagi tashkilotlardagi ma’muriy-boshqaruv xodimlari, shuningdek,  ijodiy xodimlari va mutaxassislari; madaniy-ma’rifiy muassasalarning ma’muriy boshqaruv, ijodiy va boshqa xodimlari xodimlari; madaniyat markazlari xodimlari. Ayrim muassasalar va xodimlar toifasi kesimidagi oshiruvchi koeffitsiyentlar o‘zgarishsiz qoldirildi. Ish beruvchilar-budjet muassasalariga yangi raqamlarni hisobga olib o‘z xodimlarining ish haqlarini qayta hisoblab to‘lash topshirildi. Hujjat 18-iyundan kuchga kirgan. Eslatib o’tamiz, 2018-yil 1-iyundan davlat madaniyat muassasalari ma’muriy-boshqaruv, badiiy-rahbar, artist, ijodiy va boshqa xodimlarining mehnat haqi miqdorlari o‘rtacha 45 foizga oshirilgandi. O‘sha paytda mehnatga haq to‘lash guruhlarini inobatga olgan holda xodimlarning malaka toifalari va lavozimlari bo‘yicha bazaviy lavozim maoshlari tasdiqlandi. Shuningdek, davlat madaniyat muassasalari xodimlarining 2019-yil 1-avgustdan keyingi maoshlari yangilangan miqdorda to‘langan edi.

1 2 3 4 5 Категория: Har-Hil | Просмотров:463 | Добавил: moderator | Теги: yangilik | Рейтинг: 0.0/0

Всего комментариев: 0