Главная » 2020 » Aprel » 8 » O‘zbekistonda koronavirusga chalinganlar soni 534 nafarga yetdi

---

11:00 O‘zbekistonda koronavirusga chalinganlar soni 534 nafarga yetdi

O‘zbekistonda koronavirusga chalinganlar soni 8-aprel Toshkent vaqti bilan soat 10:00 holatiga ko‘ra 14 nafarga oshib, 534 kishiga yetdi. Bu haqda Sog‘liqni saqlash vazirligi xabar berdi. Avvalroq 7-aprel Toshkent vaqti bilan soat 23:59 holatiga ko‘ra, virusni yuqtirib olganlar soni 16 kishiga oshib, 520 nafarga yetgani ma’lum qilingandi. O‘zbekistonda 15 martdan (mamlakatda kasallik ilk bor aniqlanganidan) beri 30 kishi undan sog‘aydi, ikki kishi kasallik qurboni bo‘ldi. 7-aprel soat 10:00 holatiga Toshkentdagi kamida 23 bemorda pnevmoniya alomatlari kuzatilayotgan edi, yetti bemorning ahvoli og‘ir deb baholangan, ulardan biri o‘ta og‘ir ahvolda ekani aytilgan edi. So‘nggi kunlarda O‘zbekistonda koronavirusga chalingan bemorlar soni sezilarli oshib bormoqda. 3-aprel kuni 22 kishida kasallik aniqlangan bo‘lsa, 4-aprel kuni 39 kishi, 5-aprel kuni 76 kishi, 6-aprel kuni esa 115 kishi kasallikka chalingani ma’lum qilindi (bu — kunlik rekord). 7-aprel kuni aniqlangan bemorlar soni 63 nafarni tashkil etdi. O‘zbekistondan tashqari Avstriya, Armaniston, AQSh, BAA, Janubiy Koreya, Pokiston, Rossiya, Tailand va Qozog‘istonda ham jami 23 nafar o‘zbekistonlik koronavirusga chalingan, ulardan uch nafari (barchasi AQShda) vafot etgan. Vafot etganlardan biri O‘zbekistonda xizmat ko‘rsatgan artist Rustam Samarqandiy edi.

1 2 3 4 5 Категория: Har-Hil | Просмотров:558 | Добавил: moderator | Теги: yangilik | Рейтинг: 0.0/0

Всего комментариев: 0