Главная » 2020 » Fevral » 10 » O‘zbekistonda hafta davomida yomg‘irli ob-havo bo‘lishi kutilmoqda

---

18:54 O‘zbekistonda hafta davomida yomg‘irli ob-havo bo‘lishi kutilmoqda

"O‘zgidromet” xabariga ko‘ra, O‘zbekistonga 10—12-fevral kunlari O‘rta yer dengizi ustida shakllangan nam havo massalari kirishi kutilmoqda. Respublikada ob-havo bulutli, hududning katta qismida yomg‘ir yog‘adi, 10-fevral, dushanba kuni, respublikaning ayrim joylarida va 11—12-fevral kunlari tog‘li tumanlarda ayrim joylarga kuchli yomg‘ir yog‘ishi mumkin. 13-fevral, payshanba kuni, faqat Toshkent va Farg‘ona viloyatlarida kechasi va ertalab yog‘ingarchilik bo‘ladi. 10 va 12-fevralda respublikada yana shamolning tezligi sekundiga 15—20 metrgacha kuchayishi kutilmoqda. 10-fevral kuni havo harorati 8—13 daraja iliq, shimolda 0—5 daraja iliq bo‘ladi. 11—13 fevral kunlari havo haroratining biroz pasayishi kutilmoqda, kechasi harorat 0—5 daraja iliq, ayrim joylarda 2 daraja sovuq, kunduzi 5-10 daraja iliq bo‘ladi. 14-fevral, juma kuni, O‘zbekiston bo‘yicha biroz tanaffus bilan ob-havoning yog‘ingarchiliksiz bo‘lishi kutilmoqda. 15-fevral, shanba kuni, Kavkaz hududidan kiradigan antisiklon ta’siri natijasida mamlakatda yana yomg‘ir yog‘ishi, shimolda yog‘ingarchilik (yomg‘ir, qor) bo‘lishi mumkin.

1 2 3 4 5 Категория: Har-Hil | Просмотров:564 | Добавил: moderator | Теги: yangilik | Рейтинг: 0.0/0

Всего комментариев: 0