Главная » 2020 » Mart » 29 » O‘zbekistonda favqulodda holat rejimi joriy etilmagan – Respublika maxsus komissiyasi

---

15:19 O‘zbekistonda favqulodda holat rejimi joriy etilmagan – Respublika maxsus komissiyasi

O‘zbekistonda koronavirus bilan bog‘liq favqulodda holat joriy etilmagan. O‘zbekistonga koronavirusning kirib kelishi va tarqalishini oldini olish yuzasidan chora-tadbirlar dasturini tayyorlash bo‘yicha respublika maxsus komissiyasining rasmiy bayonotida ma’lum qilinmoqda.  "O‘zbekistonda favqulodda holat rejimi joriy etilgani haqidagi mish-mishlar aniq bo‘rttirilgan. Bunday hujjatni tayyorlash to‘g‘risida tarqatilgan ma’lumot haqiqatga to‘g‘ri kelmaydi.  Noto‘g‘ri ma’lumotni tarqatganlik uchun O‘zbekiston Respublikasining Ma’muriy kodeksida qat’iy jazolar ko‘zda tutilgan”, deyiladi komissiya bayonotida.   O‘zbekistonga koronavirusning kirib kelishi va tarqalishini oldini olish yuzasidan chora-tadbirlar dasturini tayyorlash bo‘yicha respublika maxsus komissiyasining qarori bilan 24 mart soat 00:01 dan koronavirus infeksiyasi tarqalishiga qarshi kuchaytirilgan tartib joriy etilgandi.  Komissiyaning kecha 28 mart kuni qabul qilgan qaroriga ko‘ra, ertaga 30 martdan 20 aprelgacha O‘zbekistondagi mavjud barcha aeroportlar yopiladi va aviaqatnovlar butunlay to‘xtatiladi. Jumladan, Toshkent va Nukus shaharlari hamda viloyatlar markazlarida Davlat xizmatlari markazlari tomonidan beriladigan maxsus ruxsatnoma (stiker)larsiz avtotransport vositalarining harakatlanishi taqiqlandi.  Eslatib o‘tamiz, O‘zbekistonda koronavirusni yuqtirib olish bilan bog‘liq ilk holat joriy yilning 15 mart kuni qayd etilgan edi. Ayni vaqtga kelib, O‘zbekistonda koronavirusga chalinganlar 133 nafarga yetdi. Virusdan ikki kishi vafot etdi, 7 kishi sog‘ayib, oilasi bag‘riga қайтди.

1 2 3 4 5 Категория: Har-Hil | Просмотров:636 | Добавил: moderator | Теги: yangilik | Рейтинг: 0.0/0

Всего комментариев: 0