Главная » 2020 » Fevral » 10 » O‘zbekistonda davlat tomonidan advokat tayinlash tartibi o‘zgaradi

---

14:23 O‘zbekistonda davlat tomonidan advokat tayinlash tartibi o‘zgaradi

Adliya vaziri Ruslanbek Davletov davlat tomonidan tayinlanadigan ayrim himoyachilar chin dildan himoyaga otlanmasligini ma’lum qildi.Bu haqda u 3-fevral kuni jurnalistlar bilan o‘tkazilgan vazirlik hisobot yig‘ilishida aytib o‘tgan. Uning so‘zlariga ko‘ra, advokatura sohasida davlat tomonidan tayinlanadigan himoyachilar bilan bog‘liq muammolar bor. Ko‘p holatlarda ayrim advokatlar ko‘p ishlarda aylanaveradi. O‘zbekiston Jinoyat-protsessual kodeksi 50-moddasiga muvofiq, tanlangan himoyachining 24 soat ichida ishda ishtirok etishga kirishishga imkoniyati bo‘lmagan hollarda surishtiruvchi, tergovchi, prokuror yoki sud gumon qilinuvchiga, ayblanuvchiga, sudlanuvchiga yoxud ularning qarindoshlariga boshqa himoyachini taklif etishni yoki himoyachi tayinlashni so‘rab, O‘zbekiston Advokatlar palatasining hududiy boshqarmasi tomonidan belgilanadigan advokatlik tuzilmalariga murojaat qilishni tavsiya etadi. Vazirning aytishicha, qonunchilikdagi ushbu tartib, tergov organiga g‘aliz vakolatni berib qo‘yishini aytdi. U vaziyatdan xabardorligini bildirib, bu jarayonning aynan mana shu munosabatlar qismida adliyaning o‘rni yo‘qligini ta’kidladi. "Rasmiy ravishda o‘rni yo‘q. Biz shuning uchun shu tizimga aralashib, hozir, ya’ni qaror loyihasi qilganmiz: bepul huquqiy maslahat markazlarini tuzaylik, viloyat darajasida va respublika darajasida hamda advokatlarni tayinlanishi markaz tomonidan tartibga solinsin, degan loyiha ishlab chiqqanmiz”, — degan advokatlari faoliyatiga ta’sir qilish vakolatida emasligini ta’kidlagan Ruslanbek Davletov. Ma’lum qilinishicha, yangi taklifga binoan barcha hududlarda bepul huquqiy maslahat markazlari tashkil etiladi. Markaz faoliyatidan advokatlarni avtomatik vazifalarga tayinlash tizimi ishga tushadi. "Inson omili aralashmaydi, barcha himoyachilar umumiy bazaga kiritiladi. Tizimning o‘zi avtomatik tanlab bergan advokat o‘sha ishda qatnashishga majbur, bu uning chekiga bir yilda ikki marta tushishi mumkin. Masalan, Amerika tajribasida mavjud ushbu tizim orqali murojaat qilgan shaxs davlat tomonidan himoyachi tayinlanishini so‘raydi. Ba’zan juda kuchli advokatga to‘g‘ri keladi, u shu ishda qatnashadi. Millionlar sarflab bo‘lsa-da, obro‘ va nomi uchun shu ishda g‘alaba qilishga intiladi”, — degan Davletov. Shuningdek, ayni paytda loyiha Moliya vazirligi mutasaddilari bilan kelishuvga kiritilganini qo‘shimcha qilgan.

1 2 3 4 5 Категория: Har-Hil | Просмотров:620 | Добавил: moderator | Теги: yangilik | Рейтинг: 0.0/0

Всего комментариев: 0