Главная » 2021 » Yanvar » 15 » O‘zbekistonda dam olish kunlari ham ob-havo iliq bo‘ladi, ammo kelasi haftadan sovuq qaytadi

---

15:08 O‘zbekistonda dam olish kunlari ham ob-havo iliq bo‘ladi, ammo kelasi haftadan sovuq qaytadi

O‘zbekiston aholisini dam olish kunlari juda iliq ob-havo kutmoqda, deb xabar bermoqda "O‘zgidromet”. Qayd etilishicha, 15 va 16-yanvar kunlari respublika bo‘yicha ob-havoni past bosim maydoni belgilaydi. Bunday vaziyatda Eron hududlaridan juda quruq va iliq havo kirib kelishi kutilmoqda. Havo harorati kunduzi 15—20 daraja iliqqacha, janubda 22 daraja iliqqacha, kechalari 0—5 daraja iliq atrofida bo‘ladi. Havo harorati iqlim me’yoridan 10—12 darajaga yuqori bo‘ladi. 17- yanvar, yakshanba kuni O‘zbekiston hududlariga Kaspiy dengizi hududlaridan bulutli massivlar kirib keladi, buning natijasida bulutlilik zichlashadi va kunduz kuni havo harorati 13—16 daraja iliqqacha biroz pasayadi, kechasi 0—5 daraja iliq atrofida bo‘ladi. Ammo bunday harorat hali ham iqlim me’yorlaridan 5—7 darajaga yuqori bo‘ladi. Shu kunlarda O‘zbekistonning tog‘li hududlari bo‘yicha qor ko‘chishi xavfi e’lon qilingan. "Biroq bu issiq hali bahor emas. Keyingi haftada yana sovuq bo‘ladi”, — deb qayd etgan "O‘zgidromet”.

1 2 3 4 5 Категория: Har-Hil | Просмотров:450 | Добавил: moderator | Теги: yangilik | Рейтинг: 0.0/0

Всего комментариев: 0