Главная » 2020 » Aprel » 6 » O‘zbekistonda bu hafta havo soviydi. Qor yog‘adi

---

09:42 O‘zbekistonda bu hafta havo soviydi. Qor yog‘adi

Joriy yilning 7-9 aprel kunlari O‘zbekiston hududiga Volgabo‘yi rayonlari (Astraxan) orqali Rossiyaning Yevropa hududi (Moskva oblasti) ustida shakllangan nam va sovuq havo oqimlari kiradi. Bu haqda Gidrometeorologiya xizmati markazi ma’lum qildi. 7-9 aprelda respublika bo‘yicha vaqti-vaqti bilan yomg‘ir yog‘adi, 8 aprelda ayrim joylarga kuchli yomg‘ir yog‘ishi mumkin. Kechasi va 9 aprelda ertalab ayrim joylarda yog‘ayotgan yomg‘ir qorga aylanishi mumkin. 7-8 aprelda shamolning tezligi kuchayib, sekundiga 15-20 metrgacha, shiddat bilan esganda 23-28 metrgacha yetishi kutilmoqda. Havo harorati 7 aprelda kechasi 10-15 daraja iliq, kunduzi 15-20 daraja, 8 aprelda kechasi 3-8 daraja iliq, kunduzi 5-10 daraja, 9 aprelda kechasi 0-5 daraja, ayrim joylarda 1 daraja sovuqqacha, kunduzi 5-10 daraja iliq bo‘ladi. 8-9 aprelda respublikaning tog‘oldi va tog‘li hududlarida sel kelishi xavfi bor.

1 2 3 4 5 Категория: Har-Hil | Просмотров:649 | Добавил: moderator | Теги: yangilik | Рейтинг: 0.0/0

Всего комментариев: 0