Главная » 2023 » Noyabr » 5 » O‘zbekistonda 9 oy ichida qancha odam vafot etgani maʼlum qilindi

---

06:18 O‘zbekistonda 9 oy ichida qancha odam vafot etgani maʼlum qilindi

Respublikada yanvar–sentyabr oylarida 71,4 ming nafar erkak, 58,3 ming ayol kishi vafot etgan. Bu haqda Statistika agentligi axborot berdi. O‘zbekistonda 2023-yilning yanvar–sentyabr oylarida vafot etganlar soni 129,7 ming kishini tashkil etdi. Shundan 71,4 ming nafari erkaklar, 58,3 ming nafari ayollar. Uch chorak davomida shahar joylarida olamdan o‘tganlar soni 69,6 ming, qishloq joylarida vafot etganlar 60,1 ming nafarga yetgan. Eng ko‘p o‘limlar avgust oyida (10 ming 308 ta) kuzatilgan.  Qayd etilgan o‘lim holatlarining 58,9 foizi qon aylanish tizimi kasalliklaridan, 10,7 foizi o‘simtalardan, 6,6 foizi nafas olish aʼzolari kasalliklaridan, 4,7 foizi baxtsiz hodisa, zaharlanish va jarohatlanishdan kelib chiqqan. Shu bilan birga, 3,6 foiz odam ovqat hazm qilish aʼzolari, 1,4 foizi yuqumli va parazitar kasalliklarga chalinish oqibatida vafot etgan. Vafot etganlar orasida mehnatga layoqatli yoshdan kichiklar 12,1 foizni, mehnatga layoqatli yoshdagilar 23,9 foizni va mehnatga layoqatli yoshdan kattalar 64 foizni tashkil etgan. O‘limlarning o‘sish surʼati eng yuqori darajasi Sirdaryo, Navoiy, Namangan, Andijon viloyatlari va Qoraqalpog‘istonda kuzatilgan. Qo‘mita axborotida O‘zbekistonda 2021-yilning yanvar–sentyabr oylarida 132,1 ming kishi, 2022-yilning 9 oyi chida 130,2 ming kishi vafot etgani keltirilgan. Avvalroq yanvar—iyun oylarida mamlakatda jami vafot etganlar soni 79,8 ming kishini tashkil etgani xabar qilingandi.

1 2 3 4 5 Категория: Har-Hil | Просмотров:309 | Добавил: Admin | Теги: yangilik | Рейтинг: 0.0/0

Всего комментариев: 0