Главная » 2020 » Fevral » 22 » O‘zbekiston xavfsiz turizm bo‘yicha Insurly reytingida MDH davlatlari orasida 1-o‘rinda qayd etildi

---

13:20 O‘zbekiston xavfsiz turizm bo‘yicha Insurly reytingida MDH davlatlari orasida 1-o‘rinda qayd etildi

Fransiyaning Insurly portali xavfsiz turizm bo‘yicha dunyo mamlakatlari reytingini e’lon qildi. Reytingni tuzishda tabiiy ofat ehtimoli, sog‘liqni saqlash darajasi, jinoyatchilik bo‘yicha ahvol, jumladan terrorchilik ham va transport hodisalari hisobga olingan, deb yozmoqda O‘zA. Shveysariya 2020-yilda sayyohlar xavfsizligini ta’minlash bo‘yicha 100 ballik imkoniyatdan 93,4 ball olgan holda 1-o‘rinni egalladi. Ikkinchi o‘ringa bilan Singapur (92,7 ball), 3-pog‘ona esa Norvegiyaga (91,1 ball) nasib qildi. Sayyohlar uchun eng xavfsiz mamlakatlar o‘ntaligiga Lyuksemburg, Kipr, Islandiya, Daniya, Portugaliya, Finlyandiya va Yaponiya ham kirgan. O‘zbekiston ushbu reytingda 70,3 ball olib 46-o‘rinni egalladi. Reyting tuzuvchilarning fikricha, turistlar uchun eng katta xavf, bu tabiiy ofatlardir. Bu yo‘nalishda O‘zbekiston 25 ball oldi, sog‘liqni saqlash tizimi yuqori darajada ekani qayd etilib, 81 ball berildi. Shuningdek portalda O‘zbekistonda kelgan sayyohlarga terrorchilik tahdidi umuman yo‘qligi ham qayd etilgan. Reytingda 46-o‘rinni egallagan O‘zbekiston bu borada MDH mamlakatlari orasida birinchi o‘rinda turibdi. Ro‘yxatda O‘zbekistondan keyingi o‘rinlarni Belarus (48-o‘rin), Ozarbayjon (52), Turkmaniston (60), Moldova (66), Gruziya (68), Qozog‘iston (71), Armaniston (72), Ukraina (83), Rossiya (86), Tojikiston (93), Qirg‘iziston (106) egallagan. 2020-yilda sayyohlar uchun eng xavfli mamlakatlar uchligiga Markaziy Afrika respublikasi, Kongo demokratik respublikasi va Janubiy Sudan kiritildi.

1 2 3 4 5 Категория: Har-Hil | Просмотров:523 | Добавил: moderator | Теги: yangilik | Рейтинг: 0.0/0

Всего комментариев: 0