Главная » 2017 » Fevral » 24 » O‘zbekiston xalq artisti Yulduz Usmonova ayollar uchun maxsus sovg‘a tayyorladi

---

11:45 O‘zbekiston xalq artisti Yulduz Usmonova ayollar uchun maxsus sovg‘a tayyorladi

Xalqimiz ardog‘idagi xonanda, barchaning sevimli ijodkori O‘zbekiston xalq artisti Yulduz Usmonova ayni damda aprel oyida bo‘lib o‘tadigan jonli ijrodagi "Ey aziz inson”  nomli yakkaxon konsert dasturiga katta tayyorlarlik ishlarini olib bormoqdalar. Ular konsert uchun ketma-ket yangi qo‘shiqlar yaratish bilan band. Ma'lumotlarga qaraganda, dasturdan o‘rin oladigan asosiy qo‘shiqlarning hammasi yangi ijod mahsullaridan iborat bo‘ladi.  Shuningdek, konsertda soni jihatidan tasavvuringizga sig‘maydigan darajagi  raqqosalar ishtirok etadi.Bu hali hammasi emas. Barchani sog‘intirgan xonanda barcha ayollar uchun maxsus sovg‘a hozirlamoqda. Bu tuhfa "Ayol aziz, ayol e'zozda” deb nomlangan yangi bahoriy to‘plam bo‘lib, albom 8-mart ayollar bayramiga sovg‘a sifatida taqdim etiladi. Xonandaning repertuaridagi  1992-yildan to 2015-yilgacha kuylangan ayollar haqidagi qo‘shiqlar qayta tiklandi va mazkur albomga birlashtirildi. Ushbu to‘plam yurtimizga kirib kelayotgan bahor faslining ilk kunidayoq sotuvga chiqishi ko‘zda tutilgan.

1 2 3 4 5 Категория: Har-Hil | Просмотров:1952 | Добавил: Admin | Теги: O‘zbekiston xalq artisti Yulduz Usm | Рейтинг: 0.0/0

Всего комментариев: 0