Главная » 2020 » Yanvar » 30 » O‘zbekiston va Yevropa Ittifoqi kengaytirilgan sheriklik va hamkorlik to‘g‘risidagi bitim bo‘yicha muzokaralarni jadallashtiradi

---

13:12 O‘zbekiston va Yevropa Ittifoqi kengaytirilgan sheriklik va hamkorlik to‘g‘risidagi bitim bo‘yicha muzokaralarni jadallashtiradi

O‘zbekiston va Yevropa Ittifoqi 2020-yilda oliy darajadagi ikki tomonlama uchrashuvlarga tayyorgarlik ko‘rish maqsadida yangi keng qamrovli ikki tomonlama bitim bo‘yicha muzokaralarni faollashtiradi. Bu haqda O‘zbekiston Tashqi ishlar vazirligi xabar berdi. Qayd etilishicha, kengaytirilgan sheriklik va hamkorlik to‘g‘risidagi bitim 1999-yildan beri amalda bo‘lgan sheriklik va hamkorlik to‘g‘risidagi bitimning o‘rnini egallaydi. Avvalroq, O‘zbekiston tashqi ishlar vaziri Abdulaziz Komilov Yevropa Ittifoqi va O‘zbekiston 2020-yilda kengaytirilgan sheriklik va hamkorlik to‘g‘risidagi bitimni imzolashni rejalashtirayotgani, bu Prezident Shavkat Mirziyoyevning Bryusselga ehtimoliy tashrifi doirasida amalga oshirilishi mumkinligini ma’lum qilgan. Yangi hujjat bo‘yicha muzokaralar 2019-yil fevral oyida boshlangan. Muzokaralarning navbatdagi, beshinchi bosqichi, joriy yil boshida Toshkentda bo‘lib o‘tishi rejalashtirilgan. Germaniyada amaliy tashrif bilan bo‘lgan O‘zbekiston tashqi ishlar vaziri Abdulaziz Komilov Berlinda Yevropa Ittifoqining tashqi ishlar va xavfsizlik siyosati bo‘yicha oliy vakili, Yevropa Ittifoqi komissiyasi vitse-prezidenti Xosep Borrel bilan uchrashdi. Uchrashuvda O‘zbekiston—Yevropa tadbirlariga yuqori darajada tayyorgarlik ko‘rish muhimligi ta’kidlandi. Shu nuqtayi nazardan, tomonlar kengaytirilgan sheriklik va hamkorlik to‘g‘risidagi bitimni imzolashga tayyorgarlik ko‘rish jarayonida ishchi guruhlar ishini faollashtirishga kelishib oldi.

1 2 3 4 5 Категория: Har-Hil | Просмотров:521 | Добавил: moderator | Теги: yangilik | Рейтинг: 0.0/0

Всего комментариев: 0