Главная » 2021 » Noyabr » 2 » O‘zbekiston va Qozog‘iston armiyasi “spetsnaz”i qo‘shma mashg‘ulot o‘tkazmoqda

---

14:54 O‘zbekiston va Qozog‘iston armiyasi “spetsnaz”i qo‘shma mashg‘ulot o‘tkazmoqda

Qozog‘iston va O‘zbekiston Qurolli Kuchlari maxsus bo‘linmalarining "Qalqon-2021” qo‘shma taktik-maxsus o‘quv mashg‘ulotlari boshlandi. Mashg‘ulotlar Qozog‘iston Gvardiya garnizonida o‘tkazilmoqda. Qozog‘istondan 250 ga yaqin harbiy xizmatchilar, 40 dan ortiq zirhli va avtomobil texnikasi, o‘nta aviatsiya texnikasi, jumladan, uchuvchisiz uchish apparatlari ishtirok etmoqda. Mashg‘ulotlar davomida ikki davlat harbiy xizmatchilari birlashgan taktik otryad tarkibida qo‘shma maxsus operatsiyani tashkil etish va o‘tkazish usullarini ishlab chiqadi. Mashg‘ulotlar maxsus operatsiyani tashkil etish va o‘tkazish jarayonida qo‘mondonlik-nazorat organlari va bo‘linmalarining harakatlarini muvofiqlashtirishni takomillashtirish, maxsus kuchlar shaxsiy tarkibining tayyorgarlik darajasini oshirish, shuningdek, xalqaro harbiy hamkorlikni rivojlantirishga qaratilgan. Qozog‘iston va O‘zbekiston Qurolli Kuchlari maxsus bo‘linmalarining "Qalqon-2021” qo‘shma taktik-maxsus o‘quv mashg‘ulotlari joriy yilning 5 noyabr kuni yakunlanadi.

1 2 3 4 5 Категория: Har-Hil | Просмотров:411 | Добавил: moderator | Теги: yangilik | Рейтинг: 0.0/0

Всего комментариев: 0