Главная » 2021 » Avgust » 20 » O‘zbekiston orqali 2 mingga yaqin xorijiy fuqaro Afg‘onistondan evakuatsiya qilindi

---

22:16 O‘zbekiston orqali 2 mingga yaqin xorijiy fuqaro Afg‘onistondan evakuatsiya qilindi

O‘zbekiston orqali 2000 ga yaqin xorijiy fuqarolar Afg‘onistondan evakuatsiya qilingan. Bu haqda Tashqi ishlar vazirligi matbuot xizmati xabar qildi. Ta’kidlanishicha, hozirgi vaqtda Germaniya, Rossiya,  Shveysariya, Avstriya, Daniya, Polsha, Slovakiya, Qozog‘iston kabi davlatlar bilan aeroport infratuzilmasidan foydalanish xizmatlarini taqdim etish, havo makoni orqali uchishga ruxsat berish, aeroportga uchib kelish, qo‘nish, zarur texnik va logistika yordamini ko‘rsatish bo‘yicha birgalikda sa’y-harakatlar amalga oshirilmoqda. Xorijlik hamkorlar bilan birgalikda dastlabki tarzda kelishilgan mamlakatlarga jo‘natilayotgan ham chet el fuqarolari, ham  Afg‘oniston fuqarolarini Afg‘onistondan evakuatsiya qilish va O‘zbekiston hududi orqali tranzitni amalga oshirish bo‘yicha tartibli ishlar yo‘lga qo‘yilgan. Ma’lum qilinishicha, o‘tgan bir necha kun mobaynida O‘zbekiston hududi orqali xorijiy davlatlarning 1982 fuqarosi evakuatsiya qilingan. Evakuatsiya qilinayotgan fuqarolarga O‘zbekiston hududida qisqa muddatli bo‘lib turish paytida karantin choralariga qat’iy rioya etgan holda barcha zarur yordam ko‘rsatilmoqda, shundan so‘ng kechiktirilmasdan rejalashtirilgan manzil-mamlakatiga jo‘natilmoqda.

1 2 3 4 5 Категория: Har-Hil | Просмотров:517 | Добавил: moderator | Теги: yangilik | Рейтинг: 0.0/0

Всего комментариев: 0