Главная » 2018 » May » 24 » O‘zbekiston Milliy olimpiya qo‘mitasi yana bir federatsiyaga yangi rahbar tayinladi

---

20:34 O‘zbekiston Milliy olimpiya qo‘mitasi yana bir federatsiyaga yangi rahbar tayinladi

Bugun, 24 may kuni O‘zbekiston Milliy olimpiya qo‘mitasida O‘zbekiston "Rowing and Canoe” federatsiyasining navbatdan tashqari konferensiyasi tashkil etildi.   Ma'lumki, eshkak eshish sport turlari Osiyo o‘yinlarida O‘zbekiston terma jamoasiga ko‘plab medallar taqdim etuvchi yo‘nalishlardan biri hisoblanadi.   O‘zbekiston Milliy olimpiya qo‘mitasi, Jismoniy tarbiya va sport vazirligi shu jihatlarni inobatga olib, Ahmedov Xudoyor Mamajonovichni "Rowing and Canoe” federatsiyasining prezidenti etib sayladi. Bundan tashqari, Vyacheslav Sergeyevich Didrix "Rowing and Canoe” federatsiyasi bosh kotibi lavozimida faoliyat olib boradigan bo‘ldi. Xudoyor Ahmedov o‘ziga bildirilayotgan ishonchni oqlash uchun bor imkoniyatini ishga solishini ta'kidlab o‘tdi.   "Zimmamga qanday mas'uliyat yuklanayotganini his qilib turibman. Kelajak uchun rejalarimiz katta. Oldimizga Milliy olimpiya qo‘mitasi tomonidan katta vazifalar qo‘yildi. Bizni oldinda Osiyo o‘yinlari, o‘smirlar Olimpiya o‘yinlari kutib turibdi. Shuningdek, Tokio Olimpiadasiga ham munosib tayyorgarlik ko‘rishimiz lozim. Ishonch uchun minnatdorchilik bildiraman. O‘zimga bildirilayotgan ishonchni oqlayman. Hamjihatlikda ish olib boramiz”, dedi federatsiyaning yangi rahbari.   Yangi rahbariyat oldiga ma'lum vazifalar belgilab berildi. Sharoitlar geografik jihatdan puhta o‘rganilib, ishni samarali tashkil qilish lozimligi aytildi.

1 2 3 4 5 Категория: Har-Hil | Просмотров:1040 | Добавил: Moderator | Рейтинг: 0.0/0

Всего комментариев: 0