Главная » 2018 » May » 17 » O‘zbekiston hukumatining eng yosh vakili uylanyapti. To‘yga hukumat a'zolari boradimi?

---

14:56 O‘zbekiston hukumatining eng yosh vakili uylanyapti. To‘yga hukumat a'zolari boradimi?

O‘zbekiston Respublikasi Hukumatining eng yosh vakili –Xalq ta'limi vaziri o‘rinbosari Alisher Sa'dullayev uylanyapti. Bu haqda u ijtimoiy tarmoqlardagi shaxsiy sahifasi orqali xabar bermoqda.   Sa'dullayevga ko‘ra, u kecha 16 may kuni unashtirilgan. Vazir o‘rinbosari shunday yozadi:   "Yaxshi niyatlar bilan, Arafa kuni safarda ekanligimizda unashtirildik. Yurtimizda tinchlik va rivojlanish davomiy bo‘lsin. Xalqimiz xizmatida bo‘lishlik va alarning ishonchlariga erishish barcha yurtdoshlarimizga nasib etsin. Komil farzandlar tarbiyalab, yurtimiz ravnaqiga hissa qo‘shish barchamizga nasib aylasin! Risoladagidek, namunaviy va super-ixcham to‘y o‘tkazamiz.  Shu bahonada #ixcham_to‘y trendini ham yo‘lga qo‘yib olamiz. Qani yoshlar shu jabhada ham birlashaylik”.   O‘zbekiston Respublikasi Prezidenti Shavkat Mirziyoyev to‘ylar borasidagi tanqidiy chiqishlarida ixcham to‘ylar masalasiga bir necha bor to‘xtalgan edi.   Davlat rahbari bu boradagi oxirgi tanqidiy xulosalarida davlat tashkilotlarida faoliyat yuritayotgan mansabdorlarga to‘ylarga borishni, dabdabali to‘y qilishni taqiqlagandi. Qiziq, Alisher Sa'dullayevning to‘yida hukumat a'zolari, boring ana, Xalq ta'limi vaziri Ulug‘bek Inoyatov yoki vazirlikdagi mansabdorlar ishtirok etarmikin..?   Ma'lumot o‘rnida, Alisher Sa'dullayev 1994 yilda Jizzax viloyatida tavallud topgan. 2017 yil 3 iyuldan boshlab O‘zbekiston Respublikasi Xalq ta'limi vaziri o‘rinbosari lavozimida faoliyat yuritib kelmoqda.

1 2 3 4 5 Категория: Har-Hil | Просмотров:1035 | Добавил: Moderator | Рейтинг: 0.0/0

Всего комментариев: 0