Главная » 2018 » Iyul » 28 » O‘zbekiston harbiylari “ArMI—2018” xalqaro armiya o‘yinlariga Sankt-Peterburgda tayyorgarlik ko‘rmoqda

---

08:02 O‘zbekiston harbiylari “ArMI—2018” xalqaro armiya o‘yinlariga Sankt-Peterburgda tayyorgarlik ko‘rmoqda

O‘zbekiston Mudofaa vazirligining "ArMI—2018” Xalqaro armiya o‘yinlarida ishtirok etuvchi jamoalari bugungi kunda joylarga yetib kelib, Rossiyaning Sankt-Peterburg shahridagi Harbiy tibbiyot akademiyasiga joylashdi. Bu haqda vazirlik matbuot xizmati "Daryo”ga ma’lum qildi. Musoboqa ishtirokchilari Akademiyada tashkil etilgan Simulyatsiya markazida va akademiya o‘quv poligonida musobaqalarga tayyorgarlik ko‘rib borishmoqda. Kuni kecha harbiy tibbiyot akademiyasida musobaqalarni olib borish uchun qur’a tashlash marosimi ham bo‘lib o‘tdi. Shuningdek, 2018-yil 26-iyul kuni Moskva shahrining "Alabino” dala o‘quv maydonida hakamlar hay’atining yig‘ilishi o‘tkazildi. Ta’kidlash kerakki, hakamlar hay’ati tarkibidan O‘zbekiston Respublikasi Mudofaa vazirligi vakili polkovnik Shavkatbek Mamajonov ham o‘rin olgan. Mazkur yig‘ilishda musobqa davomida hakamlik ishlarini olib borish, musobaqalardagi shaffoflik va yo‘l qo‘yib bo‘lmas kamchiliklar xususida so‘z yuritildi. Yig‘ilish so‘ngida barcha hakamlar hay’ati a’zolariga xalqaro hakamlik bo‘yicha sertifikatlar topshirildi.

1 2 3 4 5 Категория: Har-Hil | Просмотров:1082 | Добавил: Moderator | Рейтинг: 0.0/0

Всего комментариев: 0