Главная » 2020 » Iyun » 22 » O‘rta Chirchiq “qizil” hududga aylandi. Tumandagi 4 ta ichki ko‘chada harakatlanish taqiqlandi

---

09:41 O‘rta Chirchiq “qizil” hududga aylandi. Tumandagi 4 ta ichki ko‘chada harakatlanish taqiqlandi

Toshkent viloyatida koronavirus infeksiyasi bilan bog‘liq epidemiologik vaziyatdan kelib chiqqan holda O‘rta Chirchiq tumani 20-iyun holatiga ko‘ra "qizil” hudud, deb belgilandi. Bu haqda tuman hokimligi axborot xizmati xabar berdi. Ta’kidlanishicha, Toshkent shahri Bektemir tumanidagi sharob zavodida ishlovchi O‘rta Chirchiqda yashaydigan 5 nafar fuqaroda infeksiya aniqlangani bois hozirda ularning xonadonlari qat’iy nazoratga olingan. Shuningdek, ular bilan muloqotda bo‘lganlar ham tibbiy kuzatuv ostiga olingan. Ma’lum qilinishicha, O‘rta Chirchiqdagi 4 ta ichki ko‘cha karantinga yopilgan. Ushbu ko‘chalarda harakatlanish taqiqlangan. Yo‘l yoqalari va ko‘zga ko‘rinarli joylarga "qizil” hudud belgilari o‘rnatildi. Avvalroq O‘rta Chirchiq tumani tug‘ruq bo‘limidagi bemorda koronavirus infeksiyasi tasdiqlangani to‘g‘risida xabar berilgandi. Eslatib o‘tamiz, O‘zbekistonda 21-iyun kuni 162 kishida koronavirus aniqlandi, sutka davomida 87 nafar fuqaro sog‘aydi.

1 2 3 4 5 Категория: Har-Hil | Просмотров:459 | Добавил: moderator | Теги: yangilik | Рейтинг: 0.0/0

Всего комментариев: 0