Главная » 2018 » Fevral » 22 » O‘qituvchi dars vaqtida o‘quvchining telefonini olib qo‘yishga haqqi bormi

---

21:18 O‘qituvchi dars vaqtida o‘quvchining telefonini olib qo‘yishga haqqi bormi

Maktabda o‘qiydigan farzandimni telefonini o‘qituvchisi olib qo‘yibdi. Shaxsiy mulk bo‘lsa, uni olishga haqqi bormi? Ushbu savolga Adliya vazirligining "Huquqiy axborot" kanalida jabob berildi. O‘zbekiston Respublikasi ta'lim muassasalarida mobil telefonlardan foydalanish tartibi to‘g‘risidagi nizomga aosan o‘quv mashg‘ulotlari va tadbirlar boshlanishidan oldin ta'lim oluvchilar telefonini o‘chirib qo‘yishi hamda sumkasiga solib qo‘yishi shart. Ta'lim oluvchilarga quyidagilar qat'iyan taqiqlanadi: - telefonini bo‘yniga osib olish, ko‘krak cho‘ntaklarida, shim, yubkalari cho‘ntaklarida va shu kabilarda saqlash; - telefon akkumulyatorini zaryadlash uchun ta'lim muassasasi elektr tarmoqlariga ulash; - telefoni yordamida: - atrofdagilarga zo‘ravonlik, shafqatsizlik, pornografiyani targ‘ib qiluvchi video va suratlarni namoyish qilish; - ta'lim muassasasining nufuziga, shu jumladan, zo‘ravonlik va vandalizm holatlarini suratga olish va keyinchalik ularni atrofdagilarga namoyish etish yo‘li bilan zarar yetkazish; O‘quv mashg‘ulotlari vaqtida: - telefon orqali so‘zlashish hamda SMS (MMS) va boshqa turdagi xabarlarni jo‘natish; - telefonni stol ustiga qo‘yish; - musiqa tinglash; - surat va video tasvirlarni ko‘rsatishda telefondan foydalanish, tasvir ko‘rish, diktofon, kalkulyator, kalendar, bloknot, yon daftarcha kabilar sifatida foydalanish; - suratga olish va video tasvirga tushirish; Telefon orqali boshqa xizmatlardan foydalanish. Ta'lim muassasasida ta'lim oluvchilarga mashg‘ulotlar va tadbirlar oralig‘ida faqat asosli va kechiktirib bo‘lmaydigan zarur holatlarda ota-onasi (ularning o‘rnini bosuvchilar), yaqin qarindoshlari, ta'lim muassasalarining rahbarlari yoki xodimlari bilan zudlik bilan bog‘lanish maqsadida telefonlardan foydalanishga ruxsat etiladi. Ushbu talablar buzilgan taqdirda ta'lim muassasasining har qanday pedagog xodimi ta'lim oluvchidan telefonni olib qo‘yish, bildirishnoma rasmiylashtirish va uni telefon bilan birga ta'lim muassasasining direktoriga yoki direktor o‘rinbosariga, keyinchalik uni ota-onalarga berish huquqiga ega.

1 2 3 4 5 Категория: Har-Hil | Просмотров:1476 | Добавил: Admin | Теги: O‘qituvchi dars vaqtida o‘quvchinin | Рейтинг: 5.0/1

Всего комментариев: 0