O‘zbekiston Futbol Federatsiyasi Twitter’dagi rasmiy sahifasi orqali Dubayda yig‘in o‘tkazayotgan O‘zbekiston milliy terma jamoasining Quvayt va "Al Shaab”ga qarshi kechishi lozim bo‘lgan o‘yinlari o‘tkazilmay qolganini rasman tasdiqladi, deb xabar beradi "Uff" Biroq federatsiya buning sababini ma’lum qilishdan bosh tortgan va faqat Dubaydagi delegatsiya rahbarlari xabar bergachgina, buning imkoni bo‘lishini ma’lum qilgan.

"O‘FF milliy terma jamoaning Quvayt va keyinroq ‘Al Shaab’ klubiga qarshi nazorat uchrashuvlari o‘tkazilmaganini tasdiqlaydi. Dubaydagi milliy terma jamoa rahbariyatidan o‘yinlar o‘tkazilmay qolganining sabablari haqida xabar kelmagunicha vaziyatga izoh berilmaydi”, — deyiladi O‘FF tomonidan berilgan xabarda.

Eslatib o‘tamiz, rejaga ko‘ra O‘zbekiston MTJ 10-dekabrda Quvayt bilan o‘rtoqlik o‘yini o‘tkazishi lozim edi. Ammo Quvayt tomoni o‘yindan bosh tortgach, "Al Shaab” bilan kelishuvga erishilgani xabar qilingandi. Ammo arab klubi ham O‘zbekiston milliy terma jamoasi bilan kuch sinashni istamadi.