Главная » 2020 » Mart » 16 » Nyu-Yorkda koronavirus tufayli bar va kinoteatrlar yopiladi

---

18:44 Nyu-Yorkda koronavirus tufayli bar va kinoteatrlar yopiladi

Nyu-York shahri meri Bill de Blazio koronavirus tarqalishining oldini olish maqsadida bar, kinoteatr va boshqa ko‘ngilochar maskanlarni yopishga qaror qildi, deb yozadi "RBK”. "Biz sevimli insonlarimiz hayotini xavf ostiga qo‘yish masalasi bo‘lmaganida hech qachon qabul qilmaydigan bir qator qarorlarni qabul qilyapmiz. Yana bir radikal qadamni qo‘yish payti keldi. Virus Nyu-York aholisi bir-biriga juda yaqin bo‘ladigan restoran, barlarda tez tarqalishi mumkin. Biz ularni yopishga qaror qildik”, — deydi Blazio. Shuningdek, tungi klublar, kinoteatrlar va konsert zallari ham vaqtincha ish faoliyatini to‘xtatadi. Ushbu qaror 17-mart, seshanba kuni, mahalliy vaqt bilan soat 9:00 dan kuchga kiradi. Eslatib o‘tamiz, AQShda yangi turdagi COVID-19 koronavirusining tarqalishi sabab Yevropa mamlakatlaridan keluvchilar uchun 30 kunga vaqtinchalik taqiq o‘rnatildi. Birozdan so‘ng Donald Tramp mamlakatda COVID-19 koronavirus infeksiyasi tarqalishi oqibatida favqulodda holat rejimi e’lon qilinganini bildirdi. Avvalroq O‘zbekistondagi barcha kinoteatrlar ham vaqtincha yopilishi haqida xabar berilgan edi. Koronavirusning O‘zbekistondagi mart oyida bo‘ladigan to‘ylarga ta’sir ko‘rsatmasligi, hukumat O‘zbekistondagi diniy idoralarga diniy marosimlar o‘tkazishni vaqtincha cheklash bo‘yicha iltimos bilan murojaat qilgani aytildi. Shuningdek, barcha sport (masalan, Superliga), madaniy (jumladan, konsert) va boshqa tadbirlar, shuningdek, Navro‘z tantanalari va u bilan bog‘liq boshqa ommaviy marosimlar ham bekor qilingan.

1 2 3 4 5 Категория: Har-Hil | Просмотров:605 | Добавил: moderator | Теги: yangilik | Рейтинг: 0.0/0

Всего комментариев: 0