Главная » 2022 » Yanvar » 16 » Novak Jokovich koronavirusga qarshi emlanmagani uchun Avstraliyadan deport qilindi. Tennischi yana Australian Open’ni o‘tkazib yuboradi

---

20:55 Novak Jokovich koronavirusga qarshi emlanmagani uchun Avstraliyadan deport qilindi. Tennischi yana Australian Open’ni o‘tkazib yuboradi

Jahonning birinchi raqamli tennischisi Novak Jokovich Avstraliyadan deport qilindi. 15-yanvar kuni Avstraliya Migratsiya vazirining Jokovichni mamlakatdan deportatsiya qilish qarori yuzasidan apellyatsiya sudi bo‘lib o‘tdi. Unda qaror o‘z kuchida qoldirildi va Jokovich ikkinchi marta ham Avstraliyadagi musobaqada qatnasha olmaydigan bo‘ldi. Jokovich koronavirusga qarshi emlanmagan bo‘lsa-da, Australian Open musobaqasiga kelgan. Mamlakatga vaksinatsiyadan o‘tmagan shaxslarning kirishi taqiqlangan. Novak dekabr so‘ngida COVID-19 bilan og‘rigani va undan xalos bo‘lgani haqida hujjat bilan Avstraliyaga kirishga muvaffaq bo‘lgan. Biroq keyinchalik OAVda mazkur hujjatlar soxtalashtirilgani haqidagi xabarlar yangradi. Avstraliya Migratsiya vaziri Aleks Houk tennischining Avstraliya va Australian Open musobaqasiga qo‘yilishi mamlakatda vaksinatsiyaga qarshilarning faollashuviga olib kelishi hamda emlanmagan shaxsning mamlakatga kirishi fuqarolar pozitsiyasiga zid ekanini vaj qilib, Jokovichni deportatsiya qilish borasida qaror chiqardi. Keyinchalik serbiyalik tennischining vakillari mazkur qaror yuzasidan apellyatsiya berdi. Biroq sud Jokovichning e’tirozini inobatga olmadi va deportatsiya masalasini o‘z kuchida qoldirdi. Jokovich bo‘lib o‘tgan hodisalardan keyin o‘z fikrini bildirdi. Avtsraliyada qola olmasligim va musobaqada qatnasha olmasligim haqidagi bu qaror juda hayron qoldirdi. Biroq hukumatning qarorini hurmat qilaman va Avstraliyadan chiqib ketish borasida ular bilan hamkorlikda yo‘l tutaman. So‘nggi haftalarda atrofimda bo‘lib o‘tgan voqealar sabab barchaning e’tiborini tortganimdan xijolatdaman va endi diqqat e’tiborni o‘zim uchun sevimli bo‘lgan o‘yinga qarata olaman deb umid qilaman. Musobaqa ishtirokchilari, xodimlar, ko‘ngillilar va butun dunyodagi tennis muxlislariga rahmat aytaman. Novak Jokovich, tennischi Jokovich sud qaroridan keyin Avstraliyani tark etgan. U Melburn orqali BAAning Dubay shahriga uchib ketgan. Eslatib o‘tamiz, Jokovich o‘tgan galgi Australian Open musobaqasini ham o‘tkazib yuborgandi. Serb "Ulkan toj” turkumidagi mazkur turnirning ikki karra g‘olibi hisoblanadi.

1 2 3 4 5 Категория: Har-Hil | Просмотров:282 | Добавил: moderator | Теги: yangilik | Рейтинг: 0.0/0

Всего комментариев: 0