Главная » 2018 » Iyul » 1 » Nissada har bekatda 20 soniyada quvvat to‘plab oladigan tramvay ishga tushdi

---

07:40 Nissada har bekatda 20 soniyada quvvat to‘plab oladigan tramvay ishga tushdi

Fransiyaning Nissa shahrida innovatsion tramvay ishga tushirildi, deya xabar bermoqda "Kommersant”. Uning konstruksiyasi alohida kontakt simlarini talab qilmaydi: yangi tizim sharofati bilan u bekatda turgan vaqti — yerdagi maxsus quvvatlantirgach yordamida quvvat to‘plab oladi. "Jarayon 20 soniyadan ham kamroq vaqt oladi”, — dedi ushbu texnologiyani ishlab chiqqan Alstom kompaniyasi vakili. Qayd etishlaricha, ushbu texnologiya jamoat transportida ilk bor qo‘llanilmoqda. Hozirgi vaqtda Nissa porti bilan aeroportini birlashtiruvchi tramvay yo‘lining 11,3 kilometridan 7 kilometri ochilgan, 2-sentabrgacha undan foydalanish bepul bo‘ladi. 2019-yilda tramvay yo‘lining yer ostidan o‘tuvchi bo‘lagini qurish rejalashtirilgan. Le Parisien nashri ma’lumotlariga ko‘ra, loyihaning yakuniy qiymati 700 million — 1 milliard yevro atrofida bo‘ladi.

1 2 3 4 5 Просмотров:1019 | Добавил: Moderator | Рейтинг: 0.0/0

Всего комментариев: 0