Главная » 2017 » Mart » 2 » Nilufar Usmonova muxlislarini hayratlantirishda davom etadi

---

18:10 Nilufar Usmonova muxlislarini hayratlantirishda davom etadi

Bir necha kun oldin "Dadasini qizi” nomli ajoyib qo‘shig‘ini xalqimizga taqdim qilgan xonanda Nilufar Usmonova bahorni turfa tuhfalar bilan qarshi oldi. Bahor yangi g‘oyalar, yangi shijoat, kuch-g‘ayrat, ijodkorlar uchun eng asosiysi ilhom manbai hisoblanadi. Xonanda Nilufar Usmonova ham bisotidagi yig‘ib qo‘ygan yangi ijod mahsullarini namoyish etish bilan birga bir qator katta loyihalar ustida qizg‘in ish olib bormoqda. Ana shunday ijodiy jarayonlarning navbatdagi natijasi yaqin kunlarda muxlislar e'tiboriga havola etishini ma'lum qildi. Bu tuhfa siz anchadan buyon kutgan yangi albomidir. "Arslonim” nomli navbatdagi albomning taqdimoti 8-mart bayrami arafasida bo‘lib o‘tishi rejalashtirilgan. Bahorning ilk kunini yoqimli yangiliklar bilan muxlislarini xushnud etish bilan boshlagan Nilufar Usmonova ushbu musiqiy albomi bilan xalqimiz qalbiga bahoriy kayfiyat ulashsa ajabmas.Ha aytgancha, xonandaning bir necha kun oldin yangilangan rasmiy sayti ham ishga tushdi. www.NilufarUsmonova.com manzili orqali Nilufar Usmonovaning eng so‘nggi yangiliklari, fotosuratlari, yangi qo‘shiqlari va kliplaridan bahramand bo‘lishingiz mumkin.

1 2 3 4 5 Категория: Har-Hil | Просмотров:2035 | Добавил: Admin | Теги: Nilufar Usmonova muxlislarini hayra | Рейтинг: 0.0/0

Всего комментариев: 0