Главная » 2021 » Iyun » 7 » Navoiy viloyatidagi ohak ishlab chiqarish sexida yong‘in yuz berib, bir kishi halok bo‘ldi

---

00:10 Navoiy viloyatidagi ohak ishlab chiqarish sexida yong‘in yuz berib, bir kishi halok bo‘ldi

Navoiy viloyatining Karmana tumanida joylashgan ohak ishlab chiqarish sexida yong‘in yuz berdi. FVV matbuot xizmatining ma’lum qilishicha, holat 7-iyun kuni, taxminan, soat 15:52 da tumanning "Bog‘ishamol” MFY hududidagi Zarafshon Golden Group MChJga qarashli ohak ishlab chiqarish sexida yuz bergan. Yong‘in texnologik jarayonning buzilishi oqibatida kelib chiqqan. Hodisa oqibatida korxonaning bir nafar ishchisi voqea joyida halok bo‘lgan. Shuningdek, yong‘in joyida bo‘lgan bir nafar FVV xodimi kuyish tan jarohati bilan Respublika shoshilinch tibbiy yordam ilmiy markazi Navoiy viloyati filialiga yotqizilgan. Viloyat Favqulodda vaziyatlar boshqarmasi zudlik bilan holat yuz bergan hududga yetib borgan va qisqa muddat ichida yong‘in bartaraf etilgan. Avvalroq Andijondagi "O‘zbegim” savdo majmuasida, Buxorodagi mehmonxona yerto‘lasida, Ohangaronda yo‘l bo‘yidagi maydonda yong‘in yuz bergani haqida xabar berilgan edi.

1 2 3 4 5 Категория: Har-Hil | Просмотров:28 | Добавил: moderator | Теги: yangilik | Рейтинг: 0.0/0

Всего комментариев: 0