Главная » 2021 » Dekabr » 4 » Namanganda 15 yoshli qizlar o‘zganing kir mashinasini jabrlanuvchining uyidayoq sotib yubordi

---

22:20 Namanganda 15 yoshli qizlar o‘zganing kir mashinasini jabrlanuvchining uyidayoq sotib yubordi

Namangan viloyati To‘raqo‘rg‘on tumanida uch nafar qiz o‘zgaga tegishli kir yuvish mashinasini sotib yubordi, deb xabar beradi Tergov departamenti. Ma’lum qilinishicha, 25-noyabr kuni soat 14:00 dan 16:00 gacha bo‘lgan vaqt oralig‘ida noma’lum shaxs To‘raqo‘rg‘on tuman "Turkiston” MFYda yashovchi A.D.ning (46 yoshli) yashash xonadonida hech kim yo‘qligidan foydalanib, ayvonda bo‘lgan, narxi 1,5 million so‘mlik Artel kir yuvish mashinasini o‘g‘irlab, hodisa joyidan yashiringan. Mazkur holat yuzasidan To‘raqo‘rg‘on tuman IIB huzuridagi Tergov bo‘limi tomonidan noma’lum shaxsga nisbatan Jinoyat kodeksining 169-moddasi 2-qismi "G” bandi (o‘g‘rilik) bilan jinoyat ishi qo‘zg‘atilgan. Hodisa joyida guvohlar so‘roq qilinganda, voqea sodir bo‘lgan vaqtda jabrlanuvchining yashash xonadoni oldida oq rangli "VAZ-21011” avtomashinasi va 3 nafar ayolni ko‘rganini bildirgan. Olib borilgan tezkor qidiruv ishlari natijasida videokuzatuv moslamalari yordamida "VAZ-21011” avtomashina fuqaro M.N.ga tegishli ekani aniqlangan. U o‘g‘irlangan kir yuvish mashinasini Yangi Namangan tumani "Guliston” MFYda yashovchi K.O.ga (15 yoshli) S.M., Z.D. va R.J.lardan 500 ming so‘m evaziga sotib olganini ma’lum qilgan. Kir yuvish mashinasi ashyoviy dalil sifatida rasmiylashtirilgan. Hozirda jinoyat ishi bo‘yicha voyaga yetmagan S.M., Z.D. va R.J. gumon qilinuvchi tariqasida ishda ishtirok etishga jalb qilinib, himoyachi va qonuniy vakillari ishtirokida so‘roq qilingan. Tergov harakatlari davom etmoqda. Avvalroq Namanganda qaynonasining korxonasidan 40 million so‘mlik mahsulotlarni o‘g‘irlashga uringan kuyov ushlangani, Namanganda 13 yoshli bola uyidan 65 ming dollar o‘g‘irlagani to‘g‘risida xabar berilgandi.

1 2 3 4 5 Категория: Har-Hil | Просмотров:516 | Добавил: moderator | Теги: yangilik | Рейтинг: 0.0/0

Всего комментариев: 0