Главная » 2018 » Iyul » 20 » Namangan va Toshkentga JCHda ishlagan hakamlar keladi. Ular “Paxtakor” ishtirokidagi o‘yinlarni boshqaradi

---

19:23 Namangan va Toshkentga JCHda ishlagan hakamlar keladi. Ular “Paxtakor” ishtirokidagi o‘yinlarni boshqaradi

Futbol bo‘yicha O‘zbekiston Superligasi o‘zining muhim pallasiga kirib bormoqda. Yana 5 ta tur uchrashuvlari o‘tkazilgach, chempionlik uchun kurashadigan hamda ligada jon saqlab qolish uchun harakat qiladigan jamoalar saralab olinadi.   Bundan keyingi o‘yinlarning muhimlik darajasi juda yuqori ekanini inobatga olgan holda O‘zbekiston Professional Futbol Ligasi oldindagi bir qator mas'uliyatli uchrashuvlarni boshqarib borish uchun yaqindagina Rossiya yashil maydonlarida bo‘lib o‘tgan Jahon chempionati o‘yinlarida hakamlik qilgan referilarni O‘zbekistonga taklif etdi.   Ya'ni, 19-tur uchrashuvlari doirasidan o‘rin olgan "Navbahor” – "Paxtakor” o‘yinini Osiyo qit'asining yetakchi referilaridan biri Navaf Shukrulla boshchiligidagi hakamlar guruhi boshqarib boradi. Unga qanotlarda hamyurtlari Yosir Halil Ibrohim Telfat hamda Navaf Shahin Halifa yordam berishadi. Ushbu hakamlar guruhi mundialda 2 ta o‘yinda ishlagan.   19-tur. 28 iyul, shanba. "Navbahor” — "Paxtakor” Bosh hakam: Navaf Shukrulla (Bahrayn) Qanot hakamlari: Yosir Halil Ibrohim Telfat, Navaf Shahin Halifa (Bahrayn).   Bundan tashqari, 20-turning markaziy o‘yini hisoblanmish, "Paxtakor” – "Lokomotiv” uchrashuvida jahonning eng sara referilari qatoridan o‘rin egallayotgan eronlik Alirizo Fag‘oniy boshchiligidagi guruh ishlaydi. Unga qanotlarda hamyurtlari Muhammadrizo Mansuriy va Rizo Suhandon yordam berishadi. Mazkur brigada Rossiya mundialida 4 ta uchrashuvda faoliyat olib bordi.   20-tur. 1 avgust, chorshanba. "Paxtakor” — "Lokomotiv” Bosh hakam: Alirizo Fag‘oniy (Eron) Qanot hakamlari: Muhammadrizo Mansuriy, Rizo Suhandon (Eron)

1 2 3 4 5 Категория: Har-Hil | Просмотров:968 | Добавил: Moderator | Рейтинг: 0.0/0

Всего комментариев: 0