Главная » 2015 » Dekabr » 13 » Moskvadagi avtoturagohda 9 ta qimmatbaho mashina yonib ketdi

---

19:07 Moskvadagi avtoturagohda 9 ta qimmatbaho mashina yonib ketdi

12-dekabr, shanba kechki payt Moskva g‘arbidagi avtoturargohda to‘qqizta avtomobil yonib ketdi. Politsiya surishtiruvni boshladi, mashinalarga o‘t qo‘yilgani ehtimoldan xoli emas. Bu haqda Moskva ichki ishlar boshqarmasi matbuot xizmati rahbari Andrey Galiakberov ma’lum qildi, deya xabar beradi "TASS”."Moskva politsiyasi xodimlari Rublevskiy shossesi yaqinida joylashgan 48-uy atrofidagi qo‘riqlanadigan avtoturargohda qimmatbaho mashinalar alanga olgani sababi va tafsilotlarini aniqlamoqda. Hodisa joyi ko‘zdan kechirilib, avtoturargoh qorovuli so‘roq qilingan, kuzatuv kameralari videoyozuvi o‘rganilmoqda. Sodir bo‘lgan hodisaga qasddan o‘t qo‘yganlik sabab bo‘lishi mumkinligi istisno etilmagan”, — deya ta’kidlagan Galiakberov. Dastlabki ma’lumotlarga ko‘ra, davlat belgisi bo‘lmagan 5 ta BMW avtomobili to‘liq yonib ketgan, ularning atrofidagi to‘rtta mashina ham shikastlangan. Mazkur holat yuzasidan jinoiy ish ochish masalasi ko‘rib chiqilmoqda.

1 2 3 4 5 Категория: Har-Hil | Просмотров:1344 | Добавил: Admin | Рейтинг: 0.0/0

Всего комментариев: 0