Главная » 2020 » Mart » 8 » Misrda kruiz laynerining 45 yo‘lovchisida koronavirus aniqlandi

---

12:12 Misrda kruiz laynerining 45 yo‘lovchisida koronavirus aniqlandi

Misrda Nil daryosi bo‘ylab Asuandan Luqsor tomon suzuvchi Luxnor Nile kruiz laynerining 45 nafar yo‘lovchisida COVID-19 koronavirus infeksiyasi aniqlandi. Bu haqda Misr sog‘liqni saqlash vaziri Hala Zayd ma’lum qildi. Zayd xonimning so‘zlariga ko‘ra, bemorlarning 19 nafari chet el fuqarolari. Kema bortida umumiy hisobida 171 kishi, jumladan, 101 nafar xorijlik va 70 nafar Misr fuqarosi bo‘lgan. Misrda yangi turdagi koronavirus bilan kasallanish holati ilk bor 14-fevral kuni aniqlangan edi. Virusning tashuvichisi chet el fuqarosi ekani aytilgan edi. Eslatib o‘tamiz, koronavirus infeksiyasining tarqalishi dastlab 2019-yil dekabrida Xitoyning Uxan shahrida aniqlangan edi. Keyinchalik kasallanish holatlari Yaponiya, Janubiy Koreya, Avstraliya, Kanada, Germaniya, Fransiya, Ispaniya, Italiya, Buyuk Britaniya, Shvetsiya, AQSh, Rossiya, Kanada, Tayvan, Filippin, Singapur, Malayziya, Nepal va boshqa bir qator davlatlarda qayd etildi. South China Morning Post hisob-kitoblariga ko‘ra, jahon bo‘yicha koronavirus bilan kasallanganlar soni 104 mingdan oshgan. Xususan, Janubiy Koreyada 7041 ta, Italiyada 5883 ta, Eronda 5823 ta, Fransiyada 949 ta holat ro‘yxatga olingan. Jahon sog‘liqni saqlash tashkiloti taxminlariga ko‘ra, COVID-19 koronavirus infeksiyasining tarqalishi yozda ham to‘xtamaydi. Tashkilot ijrochi direktori Maykl Rayanning ta’kidlashicha, virus turli iqlim sharoitlarida qanday rivojlanishi borasida hozircha shifokorlarda hech qanday ma’lumot yo‘q.

1 2 3 4 5 Категория: Har-Hil | Просмотров:492 | Добавил: moderator | Теги: yangilik | Рейтинг: 0.0/0

Всего комментариев: 0