Главная » 2023 » Yanvar » 15 » “Mimino” filmi yulduzi Vaxtang Kikabidze 84 yoshida vafot etdi

---

20:55 “Mimino” filmi yulduzi Vaxtang Kikabidze 84 yoshida vafot etdi

"Mimino” filmi orqali muxlislar e’tirofiga sazovor bo‘lgan aktyor, xonanda va rejissor Vaxtang Kikabidze 84 yoshida vafot etdi, deb xabar bermoqda Gruziyaning "Mtavari Arxi” telekanali. Vaxtang Kikabidze SSSRdagi eng mashhur estrada xonandalaridan biri hisoblanadi. U musiqiy karyerasini 1959-yilda boshlagan, 1980-yillardan boshlab bir nechta guruhlarda va yakkaxon chiqish qilgan. Xonandaning eng mashhur musiqalari: "Chito-Gvrito”, "Yuraksiz”, "Qo‘shiqda hamma narsani aytib bo‘lmaydi”, "Qol, yoshlik”, "Bu butun suhbat”, "Xotira” , "Mening yillarim”, "Otalar qo‘shig‘i”ni muxlislar sevib tinglagan. Shuningdek, Kikabidze — Gruziya SSR xalq artisti. U 1966-yilda Nikolay Sanishvilining "Tog‘lardagi uchrashuv” filmida bosh rolni ijro etgan holda kino olamdagi debyutini qilgan. Aktyor "Xafa bo‘lma” va "Mimino” kinokartinalari namoyish etilgandan keyin mashhurlikka erishdi. Kikabidzening filmografiyasida jami 20 dan ortiq filmlar mavjud, ular orasida "Veriyskiy kvartalining ohanglari” (1974-yil), "Yo‘qolgan ekspeditsiya” (1976-yil), " ‘TASS’ning e’lon qilishga vakolati bor” (1984-yil), "Aksentli sevgi” (2012-yil), "Bobo 005” (2013-yil) kinokartinalari tomoshabinlarning e’tiboriga tushgan. Ma’lumot o‘rnida, 2020-yilning oktabr oyida Kikabidze "Birlashgan milliy harakat – birlashgan muxolifat” "Kuch birlikda” saylov bloki partiyaviy ro‘yxati bo‘yicha Gruziya parlamentining 10-chaqiriq deputati etib saylangan.

1 2 3 4 5 Категория: Har-Hil | Просмотров:202 | Добавил: moderator | Теги: yangilik | Рейтинг: 0.0/0

Всего комментариев: 0