Главная » 2018 » May » 24 » Mesut O‘zil: “Bilasizmi, maydonga tushishdan oldin nima deyman?”

---

20:37 Mesut O‘zil: “Bilasizmi, maydonga tushishdan oldin nima deyman?”

Germaniya terma jamoasi safida jahon chempionatiga hozirlik ko‘rayotgan "Arsenal” yarim himoyachisi Mesut O‘zil boshqa futbolchilar kabi o‘zining avtobiografik asarini yozdi.   Unda Mesut Germaniya yoki Turkiya milliy terma jamoasini tanlashga kelganida boshi qotganiga alohida to‘xtalgan.   O‘zil bu haqida "Katta bo‘lganimda oldimda ikki yo‘l bor edi. O‘zimga savol berdim: "Men kimman? Kim bo‘lishni xohlayman? Olmonmi yoki turk?” Rosa o‘ylandim.   Bu paytda oilam a'zolarini ham shu savol qiynayotgandi. Onam va amakim Turkiyani tanlashimni tavsiya qilishdi. Dadam va singlim esa Germaniyani ma'qul ko‘rishdi. Oiladagi hisob 2:2 ko‘rinishga keldi. Oxiri Germaniyani tanladim. Qarorimdan keyin onam bir necha kun mendan xafa bo‘lib yurdi. 2006 yil senyabr oyida 17 yoshu 10 oyligimda "Germaniya –U19” safida maydonga chiqdim.   Bilasizmi, har gal futbol maydoniga tushib kelishimdan bir necha daqiqa oldin "Ihlos va "Fotiha” suralarini o‘qib, Allohga munojot qilaman. "Ey Allohim, bugungi o‘yinda bizga kuch ber, jamoadoshlarim va meni jarohatlardan asra. Bizlarga to‘g‘ri yo‘lni ko‘rsat”, deya iltijo qilaman, deya yozadiMesut O‘zil.

1 2 3 4 5 Категория: Har-Hil | Просмотров:1188 | Добавил: Moderator | Рейтинг: 0.0/0

Всего комментариев: 0