Главная » 2020 » Mart » 25 » “Men noroziman”. Advokatlar palatasi raisi qonundagi o‘zgartirish bo‘yicha keskin fikr bilan chiqdi

---

11:19 “Men noroziman”. Advokatlar palatasi raisi qonundagi o‘zgartirish bo‘yicha keskin fikr bilan chiqdi

Avvalroq, Oliy Majlis Senatining navbatdagi yalpi majlisida "Advokatlik faoliyatining kafolatlari va advokatlarning ijtimoiy himoyasi to‘g‘risida”gi qonunga prokuror sanksiyasi bilan advokatlarning telefon so‘zlashuvlari "tinglanishi” bo‘yicha o‘zgartirish kiritish ma’qullangani haqida xabar bergan edik. O‘zbekiston Respublikasi Advokatlar palatasi Raisi Alim Ernazarov mamlakatda faoliyat olib borayotgan advokatlarga murojaat qilib, Senat tomonidan ma’qullangan yangi tartibga o‘zining keskin e’tirozini bildirdi. "Assalomu alaykum, Hurmatli hamkasblar! Avvalambor, bugungi kundagi kasallik tez bitsin. Xalqimizni, oilamizni, uzoq-yaqinlarimizni bu ofatdan Ollohni o‘zi asrasin. Prezidentimiz, Hukumatimiz va tegishli idoralar tomonidan kasallikka qarshi ishlab chiqarilgan barcha chora-tadbirlarga rioya qilib, qo‘llab-quvvatlashingizni surayman. Albatta, bugun Senat tomonidan ma’qullangan, advokatlik faoliyatimizga tegishli o‘zgarishlarga mening ham qat’iy e’tirozim borligini bildiraman. Bu holatdan, advokat va Advokatlar palatasi Raisi sifatida - noroziman. Qonun hujjatlarida, advokatlarga tegishli qonun hujjatlari loyihasi, Advokatlar palatasi Raisi tomonidan imzolanishi (rozilik olinishi) belgilangan.  Birok, qonunchilarimiz tomonidan bu tartibga rioya qilinmadi. Ya’ni, O‘zbekiston Respublikasi Advokatlar palatasi Rais Alim Ernazarov, yuqorida eslangan qonun loyihasiga imzo (viza) qo‘ymagan”, deya fikr bildirgan Palata raisi Alim Ernazarov. Eslatib o‘tamiz, prokuror sanksiyasi bilan advokatlarning telefon so‘zlashuvlarini tinglashga ruxsat berilishi bo‘yicha Adliya vazirligi ham tushuntirish berdi.

1 2 3 4 5 Категория: Har-Hil | Просмотров:531 | Добавил: moderator | Теги: yangilik | Рейтинг: 0.0/0

Всего комментариев: 0