"Hech kimga meni taqlid qilishiga ruxsat bermaganman. Bu yigit bir necha yil 10-15 san'atkorning orasida sizga ham taqlidim bor, bu atigi bir necha soniya, degan edi. Keyinchalik bilsam, ayollar libosini kiyib, pardoz qilib, to‘ylarda mening qo‘shimlarimga og‘iz qimirlatib yurgan ekan. Shu kunlarda odamlar "nega bu yigitga indamayapsiz, yo o‘zingiz ham buning ortidan pul topayapsizmi” qabilidagi savollar bilan ko‘p murojaat qilishyapti. Men bu yigitni unchalik yaxshi tanimayman. Ruxsat bergan bo‘lsam, faqat bir necha soniya uchun ruxsat berganman, xolos. Ammo mening mehnatim, mening qo‘shiqlarimni "ijro” etib yurishi uchun emas”, deydi xonanda.

 

Mavluda Asalxo‘jayeva ayni damda mazkur masala yuzasidan "O‘zbeknavo” estrada birlashmasiga murojaat qilganini aytib, agar natija bo‘lmasa, sudga berishini, kerak bo‘lsa, qonuniy yo‘l bilan bu holatga nuqta qo‘yishini ma'lum qildi.