Главная » 2020 » Iyun » 30 » Marg‘ilonda Damas urib yuborgan piyoda vafot etdi

---

16:30 Marg‘ilonda Damas urib yuborgan piyoda vafot etdi

Farg‘ona viloyati Marg‘ilon shahrida Damas va piyoda o‘rtasida sodir bo‘lgan YTH oqibatida fuqaro vafot etdi, deya xabar berdi viloyat Ichki ishlar boshqarmasi axborot xizmati. Ta’kidlanishicha, 22-iyun kuni Q.D. o‘z boshqaruvidagi Damas rusumli avtomashinasini Al-Farg‘oniy ko‘chasi bo‘ylab boshqarib ketayotib, qatnov qismini kesib o‘tayotgan piyoda X.K.ni urib yuborgan. Hodisa oqibatida X.K. tan jarohati olib, shifoxonada vafot etgan. Mazkur holat yuzasidan Marg‘ilon shahar IIB huzuridagi tergov bo‘linmasi tomonidan Jinoyat kodeksining 266-moddasi 2-qismi (Odam o‘limiga sabab bo‘lgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan. Hozirda tergov harakatlari olib borilmoqda. Avvalroq Sergelida 57 yoshli ayol, Shayxontohurda 10 yoshli bola YTH oqibatida halok bo‘lgani haqda xabar berilgan edi.

1 2 3 4 5 Категория: Har-Hil | Просмотров:522 | Добавил: moderator | Теги: yangilik | Рейтинг: 0.0/0

Всего комментариев: 0