Главная » 2020 » Aprel » 2 » “Manchester Yunayted” va “Real” 19 yoshli futbolchi uchun kurash olib boradi

---

10:39 “Manchester Yunayted” va “Real” 19 yoshli futbolchi uchun kurash olib boradi

Dortmundning "Borussiya” klubi hujumchisi Erling Holand yana "Manchester Yunayted” qiziqishiga sabab bo‘lmoqda. Manchester shahri klubi norvegiyalik futbolchi uchun "Real” bilan kurashishga tayyor, deya xabar qilmoqda ESPN. Yanvar oyida "Manchester Yunayted” 19 yoshli hujumchini qo‘lga kirita olmagandi. Avvalroq Holand "Real”ning yozgi transfer oynasidagi asosiy maqsadiga aylangani xabar qilingandi. "Qaymoqranglilar” muntazam gol uradigan futbolchiga muhtoj va bu rolda Erlingni ko‘rmoqda. Ta’kidlanishicha, ayni damda 75 million yevroga baholanayotgan transfer narxi koronavirus sabab yuzaga kelgan tanaffusdan so‘ng kamayadi. Holand "Borussiya”ga 2020-yilning yanvarida 20 million yevro evaziga "Zalsburg”dan o‘tdi. Bundesligada Erling 8 o‘yin o‘tkazib, 9 gol va bitta samarali uzatmaga muallif bo‘ldi. "Manchester Yunayted” shuningdek, dortmundliklarning yana bir hujumchisi Jeydon Sanchoga ham jiddiy qiziqish bildirmoqda.

1 2 3 4 5 Категория: Har-Hil | Просмотров:579 | Добавил: moderator | Теги: yangilik | Рейтинг: 0.0/0

Всего комментариев: 0