Главная » 2016 » Aprel » 29 » Malayziyada ko'rinishi inson bolasini eslatuvchi uloqcha dunyoga keldi

---

13:36 Malayziyada ko'rinishi inson bolasini eslatuvchi uloqcha dunyoga keldi

Malayziyalik 63 yoshli fermer Ibrohim Basirning fermasida misli ko'rilmagan g'aroyib holat sodir bo'ldi. Uning homilador echkilaridan biri yuzi va tanasi xuddi inson bolasini eslatuvchi uloqchani dunyoga keltirdi. Bu haqda "Vesti” xabar bermoqda. Albatta, inson yuz tuzilishini eslatuvchi hayvonlar bundan avval ham tug'ilgan, biroq echkilar orasida bu ilk bor kuzatilmoqda. "Yangi tug'ilgan uloqcha, xatto, yungi bilan ham echki emas, inson bolasini eslatardi. Echkilarga xos, old tomonga bo'rtib chiqqan yuz tuzilishi o'rniga uning yuzida oddiy, odamlarniki kabi ko'zlar va uncha katta bo'lmagan burun bor edi. Uloqchaning nafaqat yuzi, balki tanasi ham inson bolasini eslatardi”, deydi Basir. Fermer sodir bo'lgan voqeaning sababini bilish uchun veterinarlarni chaqirtirdi, biroq ular ham bunday g'ayrioddiy holatning asl sababi nimada ekanini aytib bera olishmadi. Tug'ilganiga ko'p bo'lmagan g'aroyib echki bolasi esa nobud bo'ldi. Veterinarlar uning hayotini saqlab qololmadilar. Ijtimoiy tarmoqlarda inson bolasini eslatuvchi echki bolasi tug'ilgani haqidagi xabarlar tarqalgach, Ibrohim Basirga uloqchaning jasadini sotishini so'rab murojaat qilganlar juda ko'p bo'ldi. Biroq Basir uni tadqiq qilish uchun mutaxassislarga berishga qaror qildi. Eslatib o'tamiz, bundan oldin shunga o'xshash xolat Dog'istonda sodir bo'lgandi. O'shanda Dog'istonda yuzi inson yuzini eslatuvchi qo'zichoq tug'ilgandi.

1 2 3 4 5 Категория: Har-Hil | Просмотров:2351 | Добавил: Admin | Теги: Малайзияда кўриниши инсон боласини | Рейтинг: 0.0/0

Всего комментариев: 0