Главная » 2020 » Fevral » 29 » Mahatxir Muhammad yana Malayziya bosh vaziri bo‘lishga tayyorligini bildirdi

---

16:33 Mahatxir Muhammad yana Malayziya bosh vaziri bo‘lishga tayyorligini bildirdi

Malayziyaning sobiq bosh vaziri, hukumat rahbari vazifasini vaqtinchalik bajarayotgan Mahatxir Muhammad yana bosh vazir lavozimini egallashga tayyorligini va buning uchun deputatlarning yetarli ovoziga egaligini aytdi. U 24-fevral kuni iste’foga chiqqandi. "RBK”ning The Star gazetasiga tayanib xabar berishicha, uni "Umid alyansi” hukumat koalitsiyasi qo‘llab-quvvatlamoqda. "Parlament deputatlarining aksariyati meni bosh vazir lavozimiga nomzod sifatida qo‘llab-quvvatlamoqda”, — degan u. Mahatxir Muhammad shanba kuni ertalab "Umid alyansi” deputatlari bilan uchrashganini va ularning qo‘llab-quvvatlashini qabul qilganini tan olgan. "Bugun bu haqda zoti oliyalariga rasman xabar beramiz”, — deb ta’kidlagan siyosatchi. "TASS”ning yozishicha, Mahatxir "Agar menga ijozat bersa, men milliy manfaatlarni hamma narsadan ustun qo‘yadigan hukumatni yarataman”, deb aytgan. Uning aytishicha, avvalgi tarkibdagi hukumat a’zolari koronavirus sababli yuzaga kelgan davlatga tahdid soluvchi muammolar, iqtisodiy qiyinchiliklarga duch kelganini unutgan. Ayni paytda Mahathir hukumat boshlig'i faoliyatini davom ettirish uchun eng ko‘p imkoniyatga ega, ammo mustaqil deputatlarning bir qismi "Adolat xalq partiyasi” rahbari Anvar Ibrohimni qo‘llab-quvvatlasa, vaziyat o‘zgarishi mumkin. Mahatxir Muhammad 1925-yilda tug‘ilgan. U 1981—2003-yilarda Malayziya hukumatiga rahbarlik qilgan. U 2018-yili muxolifotdagi koalitsiya nomidan hukumat rahbari lavozimini egallagan edi. Ushbu voqea arafasida Mahatxir parlament saylovlarida g‘olib chiqadigan bo‘lsa, faqat ikki yilga bosh vazir bo‘lishi, so‘ng ushbu lavozimni "Adolat” xalq partiyasi yetakchisi Anvar Ibrohim egallashiga kelishib olgan edi.

1 2 3 4 5 Категория: Har-Hil | Просмотров:604 | Добавил: moderator | Теги: yangilik | Рейтинг: 0.0/0

Всего комментариев: 0