Главная » 2017 » Yanvar » 30 » Lindsi Loxan Rajab Toyib Erdo‘g‘an bilan uchrashdi

---

13:31 Lindsi Loxan Rajab Toyib Erdo‘g‘an bilan uchrashdi

Turkiya rahbari Rajab Toyib Erdo‘g‘an Gollivudning mashhur aktrisalaridan biri Lindsi Loxanni qabul qildi. Bu haqda "Anadolu” agentligi xabar bermoqda.   Prezident kompleksida o‘tkazilgan uchrashuvda Turkiya rahbarining turmush o‘rtog‘i Emine Erdo‘g‘an, shuningdek, Aleppoda yashovchi 7 yoshli qizaloq Bana al-Abed va uning onasi ishtirok etdi.   Matbuot uchun yopiq tarzda tashkil etilgan uchrashuvda Lindsi Loxan millionlab suriyalik qochoqlarga yordam ko‘rsatayotgan Turkiya davlatiga yuqori baho berdi.   Aktrisa o‘zining Instagram’dagi sahifasi orqali Rajab Toyib Erdo‘g‘an va uning rafiqasi bilan tushgan suratini joylab, "Orzum ushaldi: Prezident Erdo‘g‘an va mamlakatning birinchi xonimi meni o‘z uylariga taklif qilishdi. Ularning suriyalik qochoqlarga ko‘rsatayotgan yordami haqiqatan oliy darajada”, deb izoh qoldirdi.   Lindsi Loxanning Turkiyaga kelishidan maqsadi ko‘ngilli inson sifatida suriyalik qochoqlar lageriga tashrif buyurish edi.   Yanvar oyi o‘rtasida aktrisa o‘zining Instagram’dagi sahifasiga joylagan avvalgi fotosuratlarini o‘chirib tashlagani haqida xabar bergan edik. Bundan tashqari, kirish so‘zi sifatida "Aleykum salam” deb yozib qoldirgan edi. O‘shanda muxlislar uni Islom dinini qabul qilganligini taxmin qilishgandi. Hozircha aktrisa bu haqda aniq izoh bermagan.   Lindsi Loxan "Ota-ona uchun tuzoq”, "G‘ayritabiiy juma”, "Aql bovar qilmas poyga”, "Omad bo‘sasi” kabi kinokartinalar orqali muxlislarga yaxshi tanish.

1 2 3 4 5 Категория: Har-Hil | Просмотров:1260 | Добавил: Admin | Теги: Lindsi Loxan Rajab Toyib Erdo‘g‘an | Рейтинг: 0.0/0

Всего комментариев: 0