Krishtianu Ronaldu qiz farzandli bo‘ldi - 13 Ноября 2017 - www.Nozim-Studio.com

Главная » 2017 » Noyabr » 13 » Krishtianu Ronaldu qiz farzandli bo‘ldi

11:37 Krishtianu Ronaldu qiz farzandli bo‘ldi
Avvalroq, Madridning "Real” klubi hamda Portugaliya terma jamoasi futbolchisi Krishtianu Ronaldu qiz farzand ko‘rishi haqida xabar bergan edik. Ronaldu bugun, 13 noyabr kuni to‘rtinchi marta farzandli bo‘lish baxtiga muyassar bo‘ldi. Ya'ni futbolchining tug‘ilishi kutilayotgan qiz farzandi dunyoga keldi. Bu haqda futbolchining o‘zi ijtimoiy tarmoqdagi sahifasida e'lon qildi. Oldinroq Ronaldu tug‘ilajak chaqaloqqa Allana Martina deya ism berishini aytib o‘tgandi. "Hozirgina Allana Martina dunyoga keldi! Qizim va uning onasi o‘zlarini ajoyib his etishmoqda! Biz oilamiz kengayganidan juda ham xursandmiz”, deya yozadi Ronaldu. Ta'kidlab o‘tish joizki, Ronalduning to‘rtinchi farzandining onasi ispaniyalik model Jorjina Rodriges hisoblanadi. Juftlik deyarli ikki yildan buyon o‘zaro yaqin aloqalar o‘rnatishgan. Bundan tashqari, hozirgi kunda sportchining uch nafar farzandi bor: yetti yoshli kichik Krishtianu hamda joriy yilning 8 iyun kunida dunyoga kelgan egizaklari — Metyu va Yeva. Ularning barchasini surrogat onalar dunyoga keltirgan. Ma'lumot uchun, 2015 yilning yanvarida Ronaldu besh yillik munosabatlardan keyin rossiyalik model Irina Sheyk bilan aloqalarini uzib yuborgandi.
1 2 3 4 5 Категория: Har-Hil \| Просмотров:1645 \| Добавил: Admin \| Теги: Krishtianu Ronaldu qiz farzandli bo \| Рейтинг: 5.0/1